Ил Дархан, бырабыыталыстыба пресс-сулууспата.
Саха сиригэр байыаннай дьайыыга сылдьар байыастарга гуманитарнай көмөнү уонна сылаас таҥаһы-сабы хомуйуу аахсыйата салҕанар. Бу туһунан #МЫВМЕСТЕ Бүтүн Арассыыйатааҕы аахсыйа ыстаабын салайааччы Айыллаан Винокуров иһитиннэрдэ.
Сылаас таҥаһы Дьокуускайга Бестужев-Марлинскай уулуссатын 5-с №-гэр, ДОСААФ дьиэтигэр хомуйаллар. Пуун үлэ күннэригэр сарсыарда 9 чаастан киэһэ 7 чааска диэри үлэлиир. Баҕалаах дьон кэлэн, волонтердарга саһыарар сиэккэни өрөргө уонна блиндаж чүмэчилэрин оҥорорго көмөлөһүөхтэрин сөп.
— Биһиги волонтердарбыт 122 нүөмэринэн сайаапкалары ылан баран, бары улуустарга байыастар дьиэ кэргэттэригэр араас хабааннаах көмөнү оҥороллор, — диэн Айыллаан Винокуров кэпсээтэ.
Анал байыаннай дьайыы саҕаланыаҕыттан, Саха сирин волонтердара 120 туоннаттан тахса гуманитарнай көмөнү уонна байыастарга 2300 тус баһыылкалары ыыппыттара. #МЫВМЕСТЕ актыбыыстара 2024 сылга 5,5 тыһыынчаттан тахса сайаапканы ылан, байыастар дьиэ кэргэттэригэр көмөлөспүттэрэ.
Ил Дархан, бырабыыталыстыба пресс-сулууспата
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…