Волонтердар байыастарга алта тиэхиньикэни ыыттылар

Бүгүн, алтынньы 23 күнүгэр, Дьокуускайга волонтердар тэрилтэлэриттэн гуманитарнай көмөнү уонна байыаннай дьайыы зонатыгар алта тиэхиньикэни тиэрдэргэ икки ыарахан ыйааһыннаах массыынаҕа таһаҕаһы тиэйдилэр.

Бу туһунан брифиҥҥэ  «Вместе к Победе!» хамыыһыйатын суһал ыстаабын салайаачытын солбуйааччы Анна Винокурова иһитиннэрдэ.

«Тиэхиньикэлэри байыастарга Мэҥэ Хаҥалас улууһун тэрилтэлэрин, «Якутскэнерго» ПАУо, Биологическай ресурсалар, ураты харыстанар айылҕа сирдэрин уонна айылҕа пааркаларын дириэксийэтин хамаандалара тиэрдэллэр», — диэн быһаарда кини. Анна Винокурова массыыналар бары өрөмүөнү, көрүүнү-истиини ааспыттарын, байыаннай дьайыы зонатыгар тиийэн таһаҕаһы уонна байыаннайдары таһарга бэлэмнэрин бэлиэтээтэ: «Бу массыыналар сотору Донецкай Народнай Өрөспүүбүлүкэҕэ баар тирэх пууннарга тиэрдиллиэхтэрэ уонна биһиги байыастарбытыгар  туттарыллыахтара».

Хамыыһыйа суһал ыстааба  Хабаровскай уонна Приморскай кыраайдарга, Санкт-Петербург уонна Улан-Удэ куораттарга госпитальга эмтэнэр байыастарга анаан ас-үөл бэлэх набордарын туттарда.

— «Хоту-Ас» кэмбинээттэн биир туонна халбаһы бородууксуйата байыастарга тиэрдилиннэ, — диэтэ суһал ыстаап салайааччытын солбуйааччы.

Сиһилии: https://www.sakha.gov.ru/news/14278