Волонтердар фроҥҥа 135 туонна гуманитарнай таһаҕаһы ыыттылар

Байыаннай дьайыы саҕаланыаҕыттан «Якутия с тобой!» уопсастыбаннай тэриллии волонтердара Саха сирин байыастарыгар 135 туоннаттан тахса гуманитарнай таһаҕаһы уонна 4 182 аадырыстаах баһыылканы хомуйан ыыттылар. Бу туһунан бүгүҥҥү брифиҥҥэ ыччат дьыалаларыгар уонна социальнай коммуникацияларга миниистири солбуйааччы Александр Максимов иһитиннэрдэ.

Кини этэринэн, иистэнэр сыах волонтердара военизированнай таҥас сэттэ кэмпилиэгин, наадалаах экипировка арааһын тигэллэр. «Якутия с тобой!» киин үлэтин саҕалыаҕыттан барыта холбоон 37 тыһыынча экипировка, 14 тыһыынча миэтэрэттэн тахса маскировочнай сиэккэ, 6 тыһыынчаттан тахса шеврон оҥоһулунна», — диэн миниистири солбуйааччы этэр.

Александр Максимов маны таһынан «Илии сылааһа» иистэнэр сыах көдьүүстээх үлэтин бэлиэтээн эттэ.

Сиһилии: https://www.sakha.gov.ru/news/19242