Салгыы
Волонтердар көмөлөрө уҕараабат

Волонтердар көмөлөрө уҕараабат

18.04.2024, 15:18
Хаартыска "Саха волонтердара" хамсааһынтан
Бөлөххө киир:

Арассыыйа киин куораттарыгар олорор биир дойдулаахтарбыт, «Cаха волонтердара» уопсастыбаннай хамсааһын чилиэннэрэ госпиталларга сытар уолаттарбытыгар көмөлөрө уҕараабат.

Волонтердар анал байыаннай дьайыыга сылдьан бааһыран эмтэнэ сытар уолаттарбытыгар сылаас сыһыанынан, истиҥ-иһирэх тылларынан эрэ өйүүр буолбакка, дьиэ аһын астаан илдьэн аһаталлар, ону сэргэ кыра араас сорудахтары толороллор.

Үтүө санаалаах биир дойдулаахтарбыт уолаттар туохха наадыйалларынан, тугу аһыахтарын баҕаралларынан толоро сатыыллар. Волонтердар этэллэринэн, билигин кинилэргэ үгүстэригэр ордук хаачыстыбалаах илии-атах протезтара наадалар.

Ас-үөл атыылаһыытын, таксинан айан ороскуотун «Саха волонтердара» хамсааһыҥҥа киирбит үптэн төлөнөр. Оттон ол үп-харчы, ас-таҥас биирдиилээн дьон, норуот көмөтүнэн оҥоһуллар. Онон госпиталларга эмтэнэ сытар бэйэбит уолаттарбытыгар ким баҕалаах, бэйэтин кылаатын киллэриэн сөп.

Күн аайы волонтердарга Саха сирин араас муннуктарыттан госпиталларга сытар уолаттартан уонна кинилэр дьиэ кэргэттэриттэн муҥура суох махтаналларын этиллэллэр, суруйаллар. Үтүө санаа киһини кынаттыыр, санаатын көтөҕөр, үтүөҕэ-кэрэҕэ угуйар

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
22 мая
  • 17°C
  • Ощущается: 15°Влажность: 25% Скорость ветра: 5 м/с

Сообщить об опечатке

Текст, который будет отправлен нашим редакторам: