Бүгүн, ыам ыйын 27 күнүгэр, “Восточнай” космодромтан «Кондор-ФКА» радиолокационнай спутниктаах аракыата космос куйаарыгар көттө.
РИА Новости сонуннары тарҕатар ааҕыныстыба иһитиннэрбитинэн, көппүтүн кэннэ 9 мүнүүтэ буолан баран, аракыата үһүс ступеныттан спутник көтөр блога араҕыста.
«Кондор-ФКА» радиолокационнай аппаратура суукканы эргиччи күнү-дьылы кэтээн көрөр кыахтаах. Аппараат ыйааһына — 1050 киилэ, үрдүгэ – 500-550 километр. Спутник сууккаҕа Сир хайа баҕарар иэниттэн 100 хаартысканы оҥоруон сөп. Бу үлэ тыа хаһаайыстыбатын бары салааларыгар араас үлэ ыытылларыгар, айылҕа таһаарар иэдэнин бохсууга, Хотугу муустаах муора мууһун кэтээн көрүүгэ олус туһалаах буолуоҕа.
«Кондора-ФКА» аракыата иккис сырыыта 2024 сыл бэс ыйын 8 күнүгэр оҥоһуллара былааннанар.
Биһиги РФ ЫБММ Саха сиринээҕи кылаабынай управлениетын Бүлүү улууһунааҕы салаатын кылаабынай исписэлииһэ Андрей Каратаевтан аракыата тобоҕун хомуйар үлэ хаһан саҕаланарын билистибит. “Билиҥҥитэ туох да ыйыы-кэрдии кэлэ илик. Төлөпүөннээн сорук туруордахтарына, тустаах үлэбитин сотору саҕалыахпыт”, диэн быһаарда Андрей Алексеевич.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…