Хаартыска: sakhagov.ru
«Востокгосплан» федеральнай автономнай научнай тэрилтэ бэрэстэбиитэллэрэ дойду технологическай уонна култуурунай суверенитетын хааччыйар технологиялары кытта билсэр, ону таһынан куттал суох буолуутун боппуруостарын уонна билиҥҥи бырайыак көрдөрүүлэрин ырытыыга «Экстра Синема» хампаанньа офиһыгар сырыттылар.
Бүгүҥҥү күҥҥэ өрөспүүбүлүкэҕэ тыа сирин 74 кыра нэһилиэнньэлээх пууннарыгар киинэ тыйаатырдарын ситимэ баар буолан, 113 тыһыынчаттан тахса киһи үрдүк хаачыстыбалаах уонна үөрэтэр ис хоһоонноох киинэни көрөр кыахтанна.
«Востокгосплан» оробуочай бөлөҕүн састаабыгар научнай-чинчийэр бырайыактар уонна эспиэртэри сайыннарыы дириэктэрэ Елена Агешина, ону таһынан «Олох хаачыстыбата уонна демография кыаҕа», «Макроэкономическай чинчийии уонна билгэлээһин» уонна «Эрэгийиэн социальнай-экономическай сайдыытын кэтээн көрүү» хайысхаларын салайааччылара киирдилэр.
«Востокгосплан» Уһук Илин уонна Арктика социальнай-экэнэмиичэскэй сайдыытын хайысхатыгар чинчийэр уонна экспертнай-аналитическай үлэни ыытар, ол иһигэр эрэгийиэн социальнай-экэнэмиичэскэй сайдыытын Стратегиятын саҥардыыга үлэлэһэр.
Илиҥҥи экэнэмиичэскэй пуорумҥа «Востокгосплан» дириэктэрэ Михаил Кузнецов Уһук Илин сайдыытын стратегиятын сүрүн хайысхата киһи хапытаалын сайыннарыыга ууруллуоҕа диэн бэлиэтээтэ, онно Саха сирин уопута олус үчүгэй холобур буоларын тоһоҕолоото. Кини өссө Уһук Илин саҥа технологиялары боруобалыыр уонна саҥа хайысхалары оҥорор платформа буолуон сөбүн бэлиэтээтэ.
Extra Cinema диэн кыра уонна ыраах сытар нэһилиэнньэлээх пууннарга анаан оҥоһуллубут Арассыыйа инновационнай цифровой киинэ көрдөрөр платформата. Аппараты оскуолаларга, култуура кииннэригэр, бибилэтиэкэлэргэ туруоруохха сөп. Бырайыак сүрүн соругунан дойду иһинээҕи киинэни көрдөрүү уонна Пушкин каартатын өйөөһүн буолар.
Сиһилии: https://www.sakha.gov.ru/news/11729
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…