ВОЗ 45-гэр диэри саастаахтары ыччат ахсааныгар киллэрдэ

Доруобуйа харыстабылын аан дойдутааҕы тэрилтэтэ (ВОЗ) дьону-сэргэни саастарынан араарыы бөлөхтөрүн сөргүтүллүбүт классификациятын таһаарда.

Билигин ыччатар ахсааныгар 18-тан 44-гэр диэри саастаахтар киирэллэр, оттон орто саастаахтарга 45- тэн 59-гар диэри дьон хабыллаллар.
Саастаах дьонунан 60-тан 74-гэр диэри саастаахтар ааҕыллаллар, оттон аҕам саастаахтарынан — 75-тэн 90- гар диэри.

Бу классификация киһи доруобуйатын уонна тас көрүҥүттэн, фертильноһы хаҥатыыттан, үлэлиир дьоҕурдарыгар уонна да атын тутаах көрдөрүүлэргэ олоҕурар. Учуонайдар бу уларыйыылар нэһилиэнньэ интеллектуальнай таһыма үрдээбитинэн, бастатан туран, киһи организмын кырдьыыта бытаарбытынан быһаараллар. Бу туһунан Доруобуйа харыстабылын аан дойдутааҕы тэрилтэтин саайтыгар таҕыста.

Ол эрээри, Арассыыйаҕа Госдуума ыччат бэлиитикэтигэр кэмитиэтин бастакы солбуйааччыта Михаил Киселев быһаарбытынан, аныгы олоххо 40-ча диэри саастаах дьону ыччат бөлөҕөр киллэрэр туһунан санаа дьүүллэһиллибэт диэтэ. Былаастар дойдуга национальнай бырайыактары олоххо киллэриигэ 35 саастаах дьону кытта эрэ үлэлииллэр. Парламентарий санаатынан, маннык быһарыы гражданнар 25-35 саастарыгар диэри карьераларын уонна дьиэ кэргэни тэрийиини саҕалыылларын кытта сибээстээх.