“Время смыслов” күрэскэ 1130 сайаапка киирдэ

Муус устар 6 күнүгэр диэри Арассыыйа Дьоруойа, Приморьетааҕы “Тигр” баҕа өттүнэн кыттааччылар этэрээттэрин хамандыыра Сергей Ефремов аатынан “Время смыслов” аныгы плакатнай устуустуба күрэһигэр үлэлэри тутуу салҕанар. Күн бүгүн Арассыыйа 70 эрэгийиэниттэн 1130 сайаапка киирбит.

Күрэскэ кыттарга Саха сирин уруһуйдьуттарын, дизайнердарын эмиэ ыҥыраллар. Сайаапкалары саайтка ылаллар.

“10-16 саастаах оҕолор уонна улахан дьон сайаапканы биэриитэ араа-бараа. Ордук биллэр номинацияларынан Аҕа дойду Улуу сэриитигэр кыайыы 80 сылыгар аналлаах «СВОи» уонна «Наша Победа» буолаллар», — диэн күрэһи тэрийээччи Михаил Ковалев этэр.

Күрэс 13 номинациянан барар: «Наша гордость», «Моя Победа», «Работаем», «Свои», «Семья», «Дальний Восток — моя любовь», «Воспитание гражданина», «Один за всех и все за одного», «Мой дом — малая Родина», «Россия — это красиво», «Россия будущего», «Важно!» уонна «Сатира».

Күрэс түмүгүнэн 39 кыайыылаах тахсыаҕа. 10-16 саастаах кыттааччылартан талыллыбыт 20 бастыҥ үлэ “Надежда России” анал категорияҕа наҕараадаланыаҕа.

“Үлэ хаһан оҥоһуллубута тутулуга суох. Саамай сүрүнэ – дириҥ суолталаах буолуохтаах. Графическай айымньылары, живопись, оҥоһуу өйү туһанан оҥоһуллубут цифровой үлэлэри киллэрэн туран сыыппара үлэлэрин ылаллар” – диэн тэрийээччилэр этэллэр.

Ил Дархан уонна Бырабыыталыстыба пресс-сулууспата