Хаартыска: sakha.gov.ru
Куонкурус «Тигр» добровольческай этэрээт уонна «Дьылҕа» сурунаал арт-бырайыагын көҕүлээһиннэринэн, РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлин аппараатын уонна «Социальнай көҕүлээһиннэри сайыннарыы пуондата» КЭТ өйөбүллэринэн ыытыллар.
Күрэс Курскай уобалаһы босхолооһуҥҥа өлбүт, «Тигр» этэрээт номоххо киирбит хамандыырын, Приморскай кыраай ис бэлиитикэҕэ вице-губернаторын, Арассыыйа Дьоруойа Сергей Ефремов аатынан ааттанна.
Арассыыйа Дьоруойа Сергей Ефремов аатынан «Время смыслов» аныгы плакат ускуустубатын куонкуруһун иккис сезонун РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев саҕалаата.
«Время смыслов» куонкурус Арассыыйа уонна биһиги үгэс буолбут сыаннастарбытын ылынар атын дойдулар худуоһунньуктарын, дизайнердарын ортотугар плакат ускуустубатын эйгэтигэр айар кыахтарын дьиҥнээх сыанабылынан буолар. Ойуулуур-дьүһүннүүр ускуустуба классическай ньымаларын кытта тэҥҥэ, ИИ (Оҥоһуу өй) үнүстүрүмүөннэрин туһаныы көҥүллэммитэ ааптардар айар күрэхтэһиилэрин уратытынан буолла.
Күрэс бастакы сезонугар Арассыыйа 84 эрэгийиэниттэн уонна Бангладеш, Гана, Зимбабве, Кыргызстан, Ливан, Беларусь, Эквадор, Казахстаан, Преднестровскай Молдавскай Өрөспүүбүлүкэ курдук дойдулартан 3200-кэ үлэ киирбитэ. 13 номинацияҕа 39 киһи кыайыылаах буолла, өссө «Арассыыйа эрэлэ» категорияҕа 20 кыайыылаах – 10-тан 16-гар диэри саастаах оҕолор. Бастакы сезон кыттааччыларын ортотугар саамай киэҥник тарҕаммыт номинациялар байыаннай дьайыыга, Улуу Кыайыы үбүлүөйүгэр, волонтердар, баһаарынайдар, учууталлар уонна быыһааччылар хорсун быһыыларыгар, дойдунан киэн туттууга – «Арассыыйа – кэрэ», дьиэ кэргэн сыаннастарыгар анаммыттара. Бастакы түһүмэх түмүктэммитин кэннэ кыайыылаах-плакаттар быыстапкалара Москва, Санкт-Петербург, Новосибирскай, Самара, Пермь, Челябинскай уонна Арассыыйа атын куораттарыгар ыытылыннылар. Сиһилии бу сигэнэн киирэн ааҕыҥ: https://www.sakha.gov.ru/news/13544
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа…
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of…
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…
Киин куоракка Аҕа дойду Дьоруойдарын күнүн көрсө, байыаннай дьайыы бэтэрээннэригэр уонна кыттыылаахтарыгар аналлаах III Өрөспүүбүлүкэтээҕи…
Чурапчы улууһун борокуратуурата коррупцияны утары охсуһар сокуону хайдах тутуһулларын бэрэбиэркэлээтэ. Түмүгэр олохтоох дьаһалта тэрийбит «Маарыкчаан»…