Ульяна Захарова хаартыската.
Бүгүн, бэс ыйын 24 күнүгэр, СӨ Арбитражнай суута Экология уонна ойуур хаһаайыстыбатын министиэристибэтин ирдэбилинэн, Иркутскай уобалаһын «ВудЛэнд24» ХЭУо тэрилтэтин кытта сири арендалааһыҥҥа түһэрсиллибит дуогабарын көтүрэр уонна 5,5 мөл. солк. тахса үбү төлүүллэригэр судаарыстыбаннай уорган ирдэбилин сокуоннайынан билиммит.
Эрдэ Арбитражнай суут Экология министиэристибэтин ирдэбилинэн бу тэрилтэ кэһиилэри оҥорбутун бигэргэтэн турар. Ааспыт сылга экология министиэристибэтэ бу хампаанньаны ойуур баһаардарын утары миэрэлэри ылыыга эбээһинэстиир туһунан суукка сайабылыанньа суруйбута. Онно суут Экология министиэристибэтин ирдэбил сайабылыанньатын өйөөбүтэ.
Суут уурааҕа ылыммыт быһаарыытын үрдүнэн, хампаанньа ойуур баһаардарын сэрэтэр үлэлэри тэрийэр тэрээһиннэри уонна дуогабар усулуобуйатын толорботох. Онон суукка биэриигэ уонна иэһи ирдээһиҥҥэ бу төрүөт буолбута.
Суут уурааҕын быһаарыыта күүһүгэр киирдэҕинэ «ВудЛэнд24» тэрилтэ суобаһа суох арендатордар испииһэктэригэр киириэхтээх. Маннык реестр дуогабардарын толорбот хампаанньалары туоратар сыаллаах оҥоһуллар.
Бэлиэтээн суруйдахха, «ВудЛэнд24» тэрилтэ эмиэ ХЭТ «Ангара» тэрилтэ курдук ойуур сирин Алдан оройуонугар арендалаабыт. Дуогабардарын 2056 сылга диэри түһэрсибиттэр. Кинилэр маһы бэлэмниир соруктаахтар эбит. Ол эрээри хайалара да үлэтин толорботох. Онон суобаһа суох тэрилтэлэри кытта Экология министиэристибэтэ дуогабары көтүрэр бырааптаах диэн иһитиннэрдилэр. Сиһилии https://t.me/ecoyakutia/19249
Өлүөхүмэ улууһун Кыыллаах нэһилиэгэр бүгүн олус күүстээх тыал түспүт. Бэл диэтэр, сарай кырыыһата кытта көппүт.…
Аҕыс ыйдаах кыһын кэнниттэн былыр былыргыттан күөххэ үктэнээт, саха киһитэ ыһыаҕы ыһар. Бу үтүө үгэс…
“Земскэй учуутал” бырагыраама кыттыылааҕа Светлана Михайловна Бурцева Чурапчы улууһун Кытаанах нэһилиэгэр нуучча тылын, литературатын учууталынан…
Бэс ыйын 24 күнүгэр "Аҕа дойдуну көмүскээччилэр" пуонда филиалыгар анал байыаннай дьайыыга сырдык тыыннара быстыбыт…
Нам улууһун Хамаҕатта нэһилиэгин олохтооҕо 73 саастаах Зоя Исаевна Осипова уола Семен Иванович, сиэнэ Айсен…
Үрүҥ Тунах ыһыаҕынан Бэрдьигэстээх нэһилиэгин баһылыга Алексей Аргунов тыыл бэтэрээннэрин, сэрии оҕолорун уонна анал байыаннай…