Вячеслав Дьяконов аны “Дыгын оонньууларыгар” кыттыбатын биллэрдэ

2023 сыллаах “Дыгын оонньууларын” кыайыылааҕа Вячеслав Дьяконов төрдүс сырыытыгар өрөгөйдөөх кыайыытын кэннэ, аны  «Үс Хатыҥ» успуорт мааны түһүлгэтигэр кыттыбатын биллэрдэ.

“Бастатан туран, дьулуурдаахпын, кыахтаахпын бэйэбэр бигэргэттим. Ону дьон-сэргэ эмиэ илэ хараҕынан көрдө. Манан многоборьеҕа турнирдарга кыттан бүттүм. Аныгыскы сыалым – мас тардыһыыга ситиһиилэнии», — диэтэ Вячеслав.

Вячеслав Дьяконов – 22 саастаах, өрөспүүбүлүкэ чөмпүйүөнэ, Уйбаан Белолюбскай аатынан «Чөмпүйүөн Кубогын” икки төгүллээх кыайыылааҕа. «Дыгын оонньууларыгар” кыайыытын эһээтигэр анаабыта.