Хаартыска: Мария Васильева (СИА)
СӨ ОДьКХ уонна энэргиэтикэтин миниистирэ Вячеслав Емельянов тус телеграм-ханаалыгар Арктика уонна хоту улуустары сылааһынан хааччыйыы боппуруоһугар бу курдук быһаарда:
— Оттук кэмэ саҕаланыаҕыттан сорохтор “эмискэ” сылааһынан хааччыйыы боппуруоһугар санаарҕыыр буолан хаалбыттар. Балаһыанньа чахчытын сиһилии уонна аһаҕастык кэпсииргэ бэлэммин.
Арктика уонна хоту улуустарыгар сылааһынан хааччыйыы туруга, кырдьык, ураты болҕомтону эрэйэр, ол эрээри, “системнай коллапс” туһунан этии – ол аата ылыллар миэрэлэри көрбөт буолуу.
Өлөөн улууһугар: оттук кэмэ (сезон) саҕаланыыта уокка быстах кэмҥэ хааччахтааһын баара, ол гынан баран, хочуолунайдар эрэсиэрбэттэн холбонон кэмигэр үлэҕэ киирбиттэрэ. Өрөспүүбүлүкэ Бырабыыталыстыбата суһаллык миэрэлэри ылбыта – хааччахтааһын уһуллубута, бары эбийиэктэр уматыгынан хааччыллыбыттара.
Зырянкаҕа: уотунан хааччыйыы харгыстара суһаллык туоратыллыбыттара, билиҥҥитэ оттук эрэсиим быһыытынан үлэлиир.
Кэбээйи улууһугар быстах кэмнээх уустуктары туоратан, 13 хочуолунай барыта эрэсиим быһыытынан үлэлиир. Эрэсиэрбэттэн бэриллэр эниэргийэ (резервный источник питания) олоччу бэрэбиэркэни ааста.
Хамнаска иэс туһунан: 360 мөл. солк. кээмэйдээх “СӨ ОДьКХ” ГУП тэрилтэ үлэһиттэригэр иэс олоччу төлөммүтүн бэлиэтиибин. Күн бүгүн үлэһиттэргэ иэс суох.
Уустук экэнэмиичэскэй усулуобуйа кэмигэр өрөспүүбүлүкэ бырабыыталыстыбата ОДьКХ өйөбүлү инники күөҥҥэ урутаан турар сорук быһыытынан көрөрүн бэлиэтиибин. Сылааһынан хааччыйыы боппуруоһун бырабыыталыстыба хамыыһыйата күннээҕи хонтуруолга тутар.
Биһиги “реакция” эрэсииминэн буолбакка, кыһалҕаны кэмин иннинэ, сэрэтэр (упреждающего) кэтээн көрүү эрэсииминэн быһаарарга үлэлиибит. Кырдьык, биһиги эйгэбит судургута суох, ол эрээри, систиэмэ үлэлиир, дойду саамай тыйыс усулуобуйатыгар сылааһынан хааччыйыы тохтоло суох үлэлиирин туһугар барытын оҥоробут.
Бу курдук эппиэтинэстээх боппуруоска буруйдааҕы көрдөөбөккө, чопчу көмө уонна кыттыгас үлэ суолталааҕар итэҕэйэбин. ОДьКХ туругун туһугар чахчы ыалдьар дьону хоту сиргэ көмөлөһүүгэ күүспүтүн түмэргэ ыҥырабын – бу быдан улахан туһаны аҕалыаҕа. Бу туһунан сиһилии манна ааҕыҥ.
СӨ Силиэстийэлиир кэмитиэтин Ньурбатааҕы улуустар икки ардыларынааҕы силиэстийэлиир управлениета хомуйбут дакаастабыла, Холуобунай кодекс 105 ыст.…
Сарсын, алтынньы 31 күнүгэр СӨ Национальнай художественнай мусуойугар “Образ Арктики” диэн Арассыыйа үтүөлээх, Саха Өрөспүүбүлүкэтин…
Владимир Путин П.В. Мандрык аатынан РФ Оборуонаҕа министиэристибэтин Киин байыаннай клиническэй госпиталыгар сырытта, манна бойобуой…
Соторутааҕыта социальнай, информационнай ситимнэринэн Уус Алдан улууһугар элбэх оҕолоох ыал кыһалҕаҕа ыктаран, гарааска олороллорун туһунан…
Байыаннай дьайыы бэтэрээнэ Эдуард Шкулеву “Аҕа дойдуну көмүскээччилэр” судаарыстыбаннай пуонда Саха сиринээҕи филиала көмөлөһөн, Дьокуускайдааҕы…
Ил Түмэн дьокутаата Владимир Прокопьев уонна өрөспүүбүлүкэ баһылыгын сүбэһитэ Игорь Николаев Сунтаарга үлэлээтилэр. Бэҕэһээ улуустааҕы…