Вячеслав Емельянов: «ОДьКХ эйгэтин судаарыстыбаннай бырагыраамаларын олоххо киллэриигэ бүддьүөт  ороскуота улаатта»

2026 сылга “Обеспечение качественными жилищно-коммунальными услугами и развитие энергетики Республики Саха (Якутия)” судаарыстыбаннай бырагырааманы олоххо киллэриигэ  Саха сирин судаарыстыбаннай бүддьүөтүн туһунан сокуон барылын бастакы ааҕыытыгар 39,5 млрд солк. тэҥнэһэр. Бу 2025 с. торумнаммытынааҕар 5 млрд солк. улахан, диэн sakha.gov.ru иһитиннэрэр.

“Уһулуччу болҕомто сылааһынан хааччыйыыга уурулунна. Хомунаалынай комплекс тэрилтэлэрин субсидиялааһыҥҥа 40,6 млрд солк. угулунна, ити 2025 сыллааҕар 6,1 млрд солк. элбэх. Бу үп-харчы тарыыпка араастаһыыны толуйуоҕа”, — диэтэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов.

Маны сэргэ миниистир СӨ Ил Дарханын Айсен Николаев “Об ускоренном развитии транспортной и энергетической инфраструктуры Республики Саха (Якутия)” стратегическай  Ыйааҕын толорон, Алдаҥҥа гаас хочуолунайдарын тутууну  уонна Нерюнгри к. ититэр ситим хапытаалынай өрөмүөнүн саҕалыыр туһунан эттэ. Бу эбийиэктэри үбүлээһин 107,6 мөл солк. тэҥнэһэр.

“Торумнаммыт бүддьүөт – үп эппиэтинэстээх былаана. Бүддьүөт бу бырайыага ОДьКХ саҥардыыга уонна Саха сирин олохтоохторун олоҕун тупсарыыга хамсатар күүһүнэн буолуоҕа диэн эрэнэбин”, — диэтэ миниистир.

Сиһилии: https://www.sakha.gov.ru/news/13887