Ил Түмэн алтыс ыҥырыытын дьокутааттарын уочараттаах 42-c пленарнай мунньаҕар мэдиссиинискэй вытрезвителлэри тэрийэр туһунан сокуону бастакы ааҕыыга ылыннылар. Өр кэтэһиллибит арыгыһыттары тутар мэдиссиинэ тэрилтэтэ сөргүтүллэрэ уолдьаспытын бары даҕаны туруорсаллар.
Арыгыны испит, норкуотуктаммыт дьоҥҥо көмөлөһөр сыаллаах мэдиссиинэ тэрилтэтин Дьокуускайга уонна улуустарга тэрийэргэ этилиннэ.
Үлэ уонна социальнай сайдыы миниистирэ Елена Волкова маннык мэдиссиинэ тэрилтэтин тэрийии 33,5 мөл. солк. өрөспүүбүлүкэ бүддьүөтүттэн көрүллэрэ былааннанарын быһаарда. Тэрилтэ бастакы түһүмэҕэр 20 куойка былааннанар диэн миниистир эппитин дьокутааттар аҥардас Дьокуускай куоракка 1000 итирик туруктаах киһини аҕалалларын эттилэр, Саха сирин атын улахан куораттарыгар итинтэн кырата суох дьон тутулларын этэн туран, куойканы элбэтиэх баара диэн санааларын тиэртилэр.
Бүгүҥҥү күҥҥэ 10 куойка баар, биллэн турар, бу олус аҕыйах. Анал мэдиссиинэ тэрилтэтин тэрийэргэ үлэһиттэри, ол иһигэр медиктэри, ону таһынан сөптөөх оборудованиены ыларга сөптөөх үп наадатын миниистир быһаарда.
Маннык анал мэдиссиинэ көмөтүн тэрилтэтэ бастаан өрөспүүбүлкэ киин куоратыгар, бөдөҥ куораттарыгар, онтон Хаҥалас уонна Мэҥэ Хаҥалас улуустарыгар, салгыы атын улуустарга тэриллиэхтэрэ.
Сокуон бырайыага бастакы ааҕыыга ылылынна, аныгыскы көрүү кулун тутар 31 күнүгэр диэн быһаарылынна.
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…
Ахсынньы аам-даам тымныытын билиммэккэ, эмиэ айаҥҥа туруннубут. Бу сырыыга массыынабыт багажнигар көннөрү бакыаттар буолбакка, кимнээх…
Саха сиригэр "Уоту сэрэт – АДПИ туруор!" диэн дьиэҕэ буруо таҕыстаҕына сэрэтэр сигнализацияны туруоруу хампаанньата…
Ахсынньы 18 күнүттэн Дьокуускай куорат «Лена», «Синема», «Центральнай» уонна өрөспүүбүлүкэ үрдүнэн тарҕанан олорор «Сахафильм», «Экстра…