Вытрезвители аһан, итирик дьоҥҥо көмөнү оҥоруу туһунан боппуруоһу вице-премьер Ольга Балабкина онлайн көрүҥүнэн ыыппыт мунньаҕар көрдүлэр.
2011 сыллаахха “О полиции” федеральнай сокуон ылыллыаҕыттан, дойду үрдүнэн вытрезвителлэри саппыттара, итирик туруктаах дьону балыыһаларга тиэрдэр буолбуттара. 2020 сыллаахха вытрезвителлэри хат арыйар туһунан федеральнай сокуон ылыллыбыта. Сокуон ирдэбилинэн, вытрезвителлэри тэрийии эрэгийиэннээҕи былаас боломуочуйатыгар баар.
— Үлэ, социальнай сайдыы министиэристибэтин хайысхатынан вытрезвители тэрийэр туһунан быһаарыы ылыммыппыт. Ол эрээри, доруобуйа харыстабылын министиэристибэтэ син биир бииргэ үлэлэһиэхтээх. Дьокуускайга “Тирэх” социальнай адаптация киинин базатыгар вытрезвитель номнуо үлэлии турар. Салгыы Алдан, Ленскэй, Мэҥэ Хаҥалас, Мииринэй, Нерюнгри, Хаҥалас оройуоннарыгар аһыахпыт, — диэн вице-премьер Ольга Балабкина эттэ.
Быйыл быраабылаҕа уларыйыылар киирдилэр. Холобур, вытрезвительгэ бэйэлэрэ кэлэн, көмө көрдөөбүт дьон туһунан нуорма баар буолла. Бу иннинэ итирик дьону вытрезвительгэ полиция эрэ тиэрдэр буолара.
Үлэ, социальнай сайдыы миниистирин солбуйааччы Афанасий Постников этэринэн, “Тирэх” кииҥҥэ баар вытрезвительгэ кэлбит дьонтон улахан аҥаардара бэйэлэрэ тиийэн кэлбиттэр, кыра аҥаардарын полиция аҕалбыт.
Мунньах түмүгэр Ольга Балабкина оройуоннарга вытрезвителлэри аһарга дьиэни буларга соруйда.
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…
Бүгүн Ем.Ярославскай аатынан хотугу норуоттар култуураларын уонна историяларын холбоһуктаах судаарыстыбаннай түмэлигэр саха балаҕаныгар истиҥ-иһирэх тэрээһин…
Сарсын, ахсынньы 25 күнүгэр, Москва бириэмэтинэн 10:00 чааска, Ил Дархан Айсен Николаев өрөспүүбүлүкэ 2025 сыллааҕы…