Хаартыска: куйаар аһаҕас ситимиттэн
Уопсастыбаннай сирдэргэ вывескалар уонна ыйар бэлиэлэр аҥардас нууччалыы тылынан суруллуохтара.
Арассыыйа Бэрэсидьиэнэ Владимир Путин нуучча тылын көмүскүүр туһунан сокуоҥҥа илии баттаата.
Ирдэбил быһыытынан, аны бары вывескалар, суруктар уонна тас баннердар аҥардас нууччалыы тылынан суруллуохтара, диэн «РГ» иһитиннэрэр.
Бу ирдэбиллэр 2026 сыл кулун тутар 1 күнүттэн күүүһүгэр киириэхтэрэ. Вывескалартан ураты, бу сокуон ыйар бэлиэлэри, араас ыйынньыктары уонна иһитиннэрэр табличкалары таарыйар. Онон дьон-сэргэ сылдьар сирдэринэн аҥардас нуучча тылынан суруллан уларыйыахтара. Сокуон ылыныллыыта араас табличкаларга «coffee», «fresh», «sale», «shop», «open» курдук тыллар киэҥник туттуллар буолбуттарын кытта сибээстээх.
Омук тыллара бобуллуохтара суоҕа, ол эрээри нууччалыы тылбаастара булгуччулаах буолуоҕа. Итиэннэ сурук ис хоһоонунан уонна оҥоһуутунан нууччалыы тылбааһыгар тэҥ буолуохтаах. Нуучча тылыгар булгуччулаах тылбаас туһунан нуормалар фирма ааттарыгар, табаар уонна өҥө бэлиэлэригэр сыһыаннара суох. Итини таһынан, сокуоҥҥа олорор дьиэ комплекстарыгар уонна атын дьиэлэргэ-тутууларга сыһыаннаах нуорма үлэлээтэ.
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…