Хаартыска: РБК
Тохсунньу 13 күнүгэр Санкт-Петербург аттыгар Шушары бөһүөлэккэ Wildberries ыскылаатыгар улахан баһаар буолбута. ТАСС суруйарынан, бүгүн ыскылаакка үлэлии сылдьыбыт 16 киһини көрдөөһүн салҕанар.
Wildberries пресс-сулууспата иһитиннэрбитинэн, күн бүгүн умайбыт ыскылаат 49 үлэһитэ сибээскэ тахса илик, хампаанньа бэрэстэбиитэллэрэ кинилэр дьиэ кэргэттэрин кытта билсэ олороллор.
Тохсунньу 13 күнүгэр сарсыарда 7 чаас 20 мүнүүтэҕэ ыскылаакка улахан баһаар буолбут. Ол кэмҥэ ыскылаакка 1,2 тыһыынча киһи баар эбит. Билиҥҥитэ эмсэҕэлээбит дьон туһунан иһитиннэрии киирэ илик.
Баһаарга 70 тыһ.кв.м. иэннээх дьиэ умайбыта, 40 тыһ.кв.м. иэннээх сиргэ дьиэ үрдэ сууллубута. Ыскылаат дьиэтин иэнэ — 100 тыһ.кв.м. Баһаары умуруорууга 286 киһи уонна 57 тиэхиньикэ үлэлээбитэ.
Хампаанньа салалтата табаардаах атыыһыттарга уонна атыыласпыт дьоҥҥо харчыларын төннөрүөхпүт диэн эрэннэрдэ.
Силиэстийэлиир кэмитиэт РФ Холуобунай кодексын 201-с ыстатыйатынан холуобунай дьыаланы арыйда.
Wildberries — бу тыһыынчанан интэриниэт маҕаһыыннары түмэр портал. Бүтүн Арассыыйаны табаарынан хааччыйар. Онон ыскылаата да балачча улахан этэ. Хампаанньа хас да улахан ыскылааттардаах. Тахсыбыт хоромньу ааҕыллар. Быһа холуйан, 10-11 миллиард солкуобайдаах ороскуот тахсыбыт.
Бэҕэһээ, от ыйын 30 күнүгэр, Абый улууһун Үөннээх Таас учаастагыттан үс киһи мотуордаах оҥочонон айаннаабыттар. …
Бүгүн, от ыйын 31 күнүгэр, Саха сирин сорох улуустарыгар этиҥнээх ардах түһэрэ, +32 кыраадыска тиийэ…
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…