Хаартыска: СӨ Национальнай бибилэтиэкэтэ.
Туос суруктар тобохторун бу сайын Дьокуускайдааҕы остуруок оннун хаһа сылдьан булбуттара.
Саха сирин норуоттарын тылларын уонна култуураларын нэһилиэстибэтин сыыппаралыыр кииҥҥэ XVII–XVIII үйэтээҕи чэрэниилэнэн суруллубут туос суруктар тобохторун сыыппаралааһын саҕаланна. Бу туһунан балаҕан ыйын 23 күнүгэр СӨ Национальнай бибилэтиэкэтигэр иһитиннэрдилэр.
Эспиэрдэр иннилэригэр уустук сорук турар – суруктар сыыппараламмыт куоппуйалара үрдүк хаачыстыбалаах буолуохтаах, ону тэҥэ суруктар туруктара чөл хаалыахтаах.
“Бүгүн биһиги хас да үлэни тэҥинэн оҥоробут. Сүрүнэ – Национальнай бибилэтиэкэ исписэлиистэрин көмөлөһүннэрэн уонна оборудованиеларын туһанан, үрдүк хаачыстыбалаах сыыппараламмыт куоппуйаны оҥоруохтаахпыт. Маны гынар туһугар суруктары кэнсиэрбэлэммит туруктарыттан таһаарабыт, дьиҥнээх тиэкиһи кытта үлэлиир уонна уопуһу чуолкайдыыр туһугар көммүт суруктары кээмэйдиэхпит”, — диэн бэлиэтээтэ остуруок оннун хаһар бөлөх салайааччыта, “Хотугу археология-1” билим-производственнай холбоһук археолога Иван Фролов.
Кини этэринэн, туос суруктар тобохторо ирбэт тоҥҥо сыппыт буолан туруктара үчүгэй эбит, ол эрээри салгын уонна күн уота куһаҕаннык дьайаллар. Дьиҥнээх тиэкиһи кытта “Хотугу археология-1” билим-производственнай холбоһук исписэлииһэ, устуоруйа билимин хандьыдаата Илья Горшков үлэлиир, кээмэйдээһинин эспэдииссийэ ыстаарсай лабараана Анна Яровая оҥорор.
Бүгүн, сэтинньи 24 күнүгэр, өрөспүүбүлүкэ арҕаа, соҕуруу өттүгэр хаардыаҕа, сорох сиринэн сөкүүндэҕэ 9-14 м. түргэннээх…
Кылаан Кындыл алгыһынан, тойугунан арыйда. ''Сэргэлээх уоттара'' култуура киинигэр эдэр ырыаһыт Иоганн Матвеев бастакы айар…
Бүгүн саха эстрадатын чаҕылхай сулуһа Иоганн Матвеев бастакы кэнсиэрэ буолла. Талааннаах уолларын биир дойдулаахтара, Бүлүү…
Горнай улууһугар Атамайга "Радуга" уһуйаан тэриллибитэ 65 сылын бэлиэтиир тэрээһин өрө көтөҕүллүүлээхтик буолла. Бу күн…
Оҕо уруһуйугар болҕомтоҕутун ууруҥ диэн психологтар сүбэлииллэр. Баһыйар өҥүнэн оҕо уйулҕатын туругун быһаарыахха сөп диэн…
Былыр-былыргыттан дьон харчыга сыһыаннаах бити-билгэни итэҕэйэр, туһанар. Ол ханныктарый? Остуолга кураанах иһиттэр, вазалар, бытыылкалар туруо…