Хаартыска: Николай Макаров тг-ханаалыттан.
Соторутааҕыта СӨ Култуурунай нэһилиэстибэни харыстыыр управлениетын салайааччыта Николай Макаров бэйэтин @heritageYKT телеграм-канаалыгар хантан көстүбүтэ биллибэт булумньулар хаартыскаларын таһаарбыта.
Биһиги корреспондеммыт Николай Макаровка эрийэн тахсан, булумньулар хантан көстүбүттэрэ билиннэ дуо диэн интэриэһиргээн ыйыталаста.
“Көстүбүт булумньулар истэригэр оҕуруолар, курга иилинэр, түөскэ кэтэр киэргэллэр, тимэхтэр, о.д.а. бааллар. Киэргэллэр үйэлэрин быһаарар уустук, онон хаартысканан көрдөххө, XVIII үйэтээҕи маллар буолуохтарын сөп, — диир Николай Афанасьевич. – Билиҥҥитэ ким да билинэ илик, социальнай ситимнэринэн тарҕаппыттар эрэ. Онон быраабы араҥаччылыыр уорганнары кытта бу дьону көрдөөн көрөбүт дуо диэн, сүбэлэһэ сылдьабыт. Биһиги сабаҕалыырбытынан, “черные копатели” дэнэр дьон быһыылаахтар. Кинилэр булбут малларын үтүө көҥүлүнэн туттарыахтаахтар уонна хантан булбуттарын ыйан биэриэхтээхтэр. Оннук гымматахтарына, сокуону кэһэр дьайыы буоларын быһыытынан холуобунай уонна административнай дьыалаҕа тардыллаллар.
Онон маннык былыргы кылааты, булумньуну булбут дьону биһигини, СӨ Култуурунай нэһилиэстибэни харыстыыр управлениетын, кытта бииргэ үлэлэһэргитигэр ыҥырабыт. Билсэр төлөпүөммүт: 8 (4112) 506486 эбэтэр depohran.sakha.gov.ru почтаҕа суруйуоххутун сөп. Маннык сыаналаах булумньулар түмэлгэ хараллыахтаахтар, билим өттүнэн улахан информацияны биэриэхтэрин сөп”.
Соторутааҕыта Саха сириттэн 200-тэн тахса тулаайах байыаннай дьайыыга ыытыллыбытын курдук сонун социальнай ситимнэргэ тарҕаммыта. Ол…
Бүгүн Тулалыыр эйгэни харыстааһын уонна Эколог күнүнэн сибээстээн өрөспүүбүлүкэ үрдүнэн араас тэрээһиннэр буоллулар. Ол курдук,…
Быйыл Ил Дархан "Үлэ киһитэ" бириэмийэтин 50 киһи ылары ситистэ. Сунтаар Элгээйититтэн үлэ киһитэ Раиса…
Саха сиригэр доруобуйа харыстабылын бастакы сүһүөх звенотун модернизациялааһын чэрчитинэн, Саха сиригэр мэдиссиинэ бөдөҥ эбийиэктэрэ тэтимнээхтик…
Бүтүн Арассыыйатааҕы үөрэнээччилэр олимпиадаларын федеральнай эриэйтинигэр Саха сирэ быйыл Арассыыйаҕа 72-с миэстэттэн 24-с миэстэҕэ тахсыбыт.…
Бэс ыйын 5 күнэ - Аан дойдутааҕы айылҕа харыстабылын күнэ. ХНТ Генеральнай Ассамблеята бу күн…