Хаартыска: Култуура министиэристибэтэ
1984 сыллаахха Өлөөн улууһугар XVIII үйэтээҕи көмүүттэн тунгуус дьахтарын соно (кафтан) көстүбүтэ. Дьикти уонна сэдэх экспонаты Саха сирин биллиилээх археолога Никита Архипов булбута.
Сиэҕэ суох, хоруоҥкалаах таҥас Москваҕа Бүтүн Арассыыйатааҕы художественнай научнай-реставрациялыыр кииҥҥэ икки сыллаах саҥардыы үлэтин кэнниттэн дойдутугар Саха сиригэр төнүннэ. Бу эспэнээт балаҕан ыйын 25 күнүттэн алтынньы 10 күнүгэр диэри «Арассыыйа -– мин устуоруйам» түмэлгэ «Код предков – сквозь глубину веков» быыстапкаҕа туруоруллуоҕа.
Ол туһунан Саха Өрөспүүбүлүкэтин Судаарыстыбаннаһын күнүн чэрчитинэн балаҕан ыйын 23 күнүгэр буолбут пресс-кэмпириэнсийэҕэ иһитиннэрдилэр.
Таба тириититтэн сиэри-туому толорууга кэтэргэ анаан тикпиттэр, маннык саха археологиятыгар соҕотох, эбэҥкилэр этнографияларын уонна былыргы үгэстэрин кэрэһэлиир.
М.А.Алексеев аатынан Үөһээ Бүлүүтээҕи лиссиэй-интэринээт култуураҕа кафедратын сэбиэдиссэйэ Никита Деевич Архипов пресс-кэмпириэнсийэҕэ иһитиннэрбитинэн, кини Өлөөн улууһугар уон сыл устата 40-ча көмүүнү чинчийбитэ.
Бу таҥаһы 2017 сыллаахха Национальнай ойуулуур-дьүһүннүүр түмэл дириэктэрэ Ася Габышева “Арктика раритеттара” быыстапкаҕа көрдөрөөрү Өлөөн улууһуттан аҕалбыта. Онтон ыла сэдэх эспэнээт түмэлгэ 2022 сылга диэри быстах туһаныыга турбута. Билигин Өлөөн улууһун устуоруйа-этнография түмэлигэр хараллан сытар. Быыстапкаҕа ону сэргэ тимир киэргэллэри, норуот ускуустубатын аныгы оҥоһуктарын, ол иһигэр эбэҥки көстүүмүн уонна норуот маастардарын оҥоһуктарын көрүөххэ сөп.
“Национальнай эриэйтин” бырайыак чэрчитинэн “Рейтинг” информационнай коммуникациялар кииннэрэ дойду субъектарын баһылыктарын үлэтин сыаналааһыҥҥа аналлаах уочараттаах…
Кытай SWIFT систиэмэҕэ маарынныыр бэйэтин систиэмэтин таһаарда. Арассыыйа - Кытай доҕордоһуутун, эйэҕэ, сайдыыга кэмитиэтин хос…
Бэҕэһээ Ньурба улууһун баһылыгын солбуйааччы Наталья Петрова салайааччылаах куонкурус хамыыһыйатын түмүктүүр мунньаҕа буолан ааспыт. Бэбиэскэҕэ…
Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт…
Өрөспүүбүлүкэтээҕи 2 №-дээх балыыһа травматологияҕа пууна Арассыыйа “Гелпик” фирматын саҥа рентгенологическай комплексын ылла. Саҥа аппараат…
Норуот синоптига Тускул этэринэн, сэтинньи 20-гэр диэри халлаан улаханнык тымныйыа суоҕа. Онтон хаар хаһан түһэр?…