Маны билэҕин дуо? “Нулевой килэмиэтир” ханна баарый?

Аан дойду үгүс дойдуларын киин куораттарыгар “нулевой килэмиэтир” диэн анал бэлиэ баар буолар. Үксүн маннык бэлиэни Главпочтамт таһыгар уурар үгэстээхтэр эбит.

Дьокуускай куоракка маннык бэлиэ баарын үгүс киһи билбэт. 1 миэтэрэ диаметрдаах “Нулевой килэмиэтир” диэн суруктаах тимир бэлиэ Орджоникидзе уулуссатын 4/1 нүөмэригэр — Главпочтамт таһыгар баар.

Бу бэлиэни Нуучча географическай уопсастыбата уонтан тахса сыллааҕыта туруорбута.

“Нулевой килэмиэтир” диэн араас дойдуларга суол ырааҕын кээмэйдиир бэлиэ буолар.