“Я-россиянин” Бүтүн Арассыыйатааҕы аахсыйа салҕанар

Саха сиригэр, атын эрэгийиэннэргэ курдук, алтынньы 15 күнүттэн сэтинньи 15 күнүгэр диэри “Я-россиянин” Бүтүн Арассыыйатааҕы оҕо култуурунай-сырдатар аахсыйата ыытыллар. Аахсыйа Арассыыйа Бэрэсидьиэнин Владимир Путин Норуот сомоҕолоһуутун күнэ бигэргэммитэ 20 сылыгар ананар.

Аахсыйа сыалынан эдэр көлүөнэҕэ Нороут сомоҕолоһуутун күнүн туһунан киэҥ билиини иҥэрии буолар. Аахсыйа дойду бары уопсай үөрэхтээһин тэрилтэлэрин 4-5 кылаастарыгар цифровой интерактивнай уруок көрүҥүнэн  ыытыллар.

“Я-россиянин” аахсыйаҕа цифровой уруогу тэрийиигэ Арассыыйаҕа Национальностар дьыалаларыгар федеральнай агентствотын салайааччыта Игорь Баринов кытынна. Кини Арассыыйа туһунан киинэ каадырын тас өттүгэр уонна “Золотом правиле нравственности” киинэҕэ тиэкиһи аахта . Оскуола виртуальнай учууталын Анна Андреевна оруолун Арассыыйа Норуоттарын дьиэтин дириэктэрэ Анна Полежаева толордо.

Аахсыйаҕа кыттар туһугар педагогтар www.яроссиянин.рус саайтка регистрацияланыахтаахтар, ол кэннэ цифровой уруок матырыйаалын ылыахтаахтар. Уруок кэннэ учууталлар сайт тус кэбиниэтигэр киирэн анал анкетаны толоруохтаахтар уонна ол кэнниттэн аахсыйаҕа кыттыбыттарын туһунан электроннай сэртипикээти ылыахтара.

Аахсыйа түмүгэр социологическай чинчийии ыытыллыаҕа.

Бүтүн Арассыыйатааҕы аахсыйа түмүктэрин Арассыыйа Федерациятын Конституциятын күнүгэр ахсынньы 12 күнүгэр Арассыыйа Уопсастыбаннай палататыгар таһаарыахтара.