Хаартыска: ЯСИА
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин университетскай лиссиэйин 11-с кылааһын үөрэнээччитин Яков Михайловы кытары көрүстэ. Яков «СОФИУМ» Бүтүн Арассыыйатааҕы быыбардыыр быраапка уонна быыбар хаамыытыгар оскуола олимпиадатын эрэгийиэннээҕи түһүмэҕин кыайыылааҕа диэн СӨ Киин быыбардыыр хамыыһыйата иһитиннэрэр.
Кэпсэтии кэмигэр Саха сирин бэрэстэбиитэлэ ааспыт сылга «СОФИУМ» олимпиадатыгар кыттыбыт уопутун, настаабынньыктар оруолларын, инники былааннарын ырыттылар. Евгений Николаевич Яковы олимпиада бүтэһик түһүмэҕэр тахсыбытынан эҕэрдэлээтэ уонна маннык ситиһии биһиги өрөспүүбүлүкэбит киэн туттуутунан буоларын бэлиэтээтэ.
«Эн кыайыыҥ – улахан сыралаах үлэ уонна талаан түмүгэ. Бу ситиһиилэргиттэн тохтоон хаалбакка, бүтэһик түһүмэххэ биһиги Сахабыт сирин чиэстээхтик көмүскүөҕүҥ диэн эрэнэбин!» — диэн бэрэссэдээтэл эрэнэрин эттэ.
Көрсүһүү түмүгэр кыайыылаахха өйдөбүнньүк бэлэхтэри туттарда уонна 2026 сыл сааһыгар Москваҕа ыытыллыахтаах финалга ситиһиилээхтик кыттарыгар баҕа санаатын эттэ.
«СОФИУМ» Бүтүн Арассыыйатааҕы оскуола олимпиадатын кыайыылааҕын үрдүк таһымнаахтык бэлэмнээбитин иһин, СӨ Киин быыбардыыр хамыыһыйатын информационнай киинин кылаабынай исписэлииһигэр Саргылана Варламоваҕа Арассыыйа Федерациятын Киин быыбардыыр хамыыһыйатын Махтал суругун туттардылар.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.
РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев «Россия-24» ханаалга интервью биэрдэ,…