«Якутия24» телеханаал киэн тутта икки бырайыага Москваҕа ыытыллыбыт «Cтрана» национальнай бириэмийэ лауреаттарынан буолбуттарын иһитиннэрэр.
«Музыкальный вечер» бырагыраама «Большая сцена» номнацияҕа бастыҥынан ааттаммыт. «Испытано на себе» бырайыак «Открытие» категорияҕа анал бириискэ тиксибит. Куонкуруска уопсайа 200 тахса үлэ киирбит.
«Испытано на себе»бырайыак ааптара, ыытааччыта Руслан Очиров тыйыс тымныы кыһыҥҥа таҥас арааһын боруобалаан көрбүт. Ол курдук былыргылыы түүлээх таҥас уонна аныгы булчут таҥаһын тэҥнээн көрбүт.
«Бэҕэһээ киэһэ номинация туһунан истибиппит. Москваны кытта бириэмэ араастаһыытынан түүн үскэ эрийбиттэрэ. Уһуктан баран биһиги бырайыакпыт анал бириискэ тиксибитин истэн олус үөрбүтүм. Үлэбит түмүгэ бэлиэтэммитинэн олус үөрдүбүт. Көрө иликтэр хайаан даҕаны көрөөрүҥ, олус интэриэһинэй«, — диэн санаатын үллэстэр Руслан Очиров.
«Музыкальный вечер» бырагыраамаҕа Дьокуускайдааҕы култуура уонна ускуустуба кэллиэһин устудьуоннара уонна артыыстар кытталлар. Сүрүннээн патриотическай тиэмэҕэ анаан ыллыыллар. «Якутия 24» телебырайыактар салайааччылара Туйаара Филиппова бэлиэтииринэн, бырайыак үрдүк сыанабылы ылбыт.
«Биһиги кэллиэгэлэрбит үлэлэрэ идэлээх дьүүллүүр сүбэнэн үрдүктүк сыаналаммытынан үөрдүбүт. Бу биһиги хамаандабыт бэриниилээх, сыралаах үлэтин түмүгэ буолар. Инникитин биһигини өссө элбэх таһаарыылаах үлэ күүтэр«, — диэн кини санаатын үллэстэр.
Бэлиэтээн суруйдахха, сыл ахсын ыытыллар X аһаҕас «Страна» национальнай бириэмийэ куонкуруһа Арассыыйаҕа саамай улахан куонкурус буолар. Манна документальнай киинэлэринэн, кылгас сюжеттарынан, муусука килииптэринэн кытталлар. Быйыл бу куонкурус РФ бэрэсидьиэнин дьаһалтатын уонна Судаарыстыбаннай Дуума өйөбүлүнэн ыытыллыбыт.
Дойдубут аҕа баһылыга Владимир Путин, олунньу 3 күнүгэр, РФ үөрэҕин миниистирин Сергей Кравцову кытары көрсөн,…
Тохсунньу 27 күнүттэн олунньу 4 күнүгэр диэри Дьокуускай куорат Автодорожнай уокуругар уопсайа 13 бэйдиэ сылдьар…
Бу күннэргэ Эбээн Бытантай улууһун Дьарҕаалааҕар тиис быраастарын биригээдэтэ үлэлиир. Бөлөҕү оҕо тииһин бырааһа Дарина…
Хайыаҥый, сир үрдүгэр араас бары баар буоллаҕа. Былыр да, быйыл да. Муода, муода диэн маанымсыйаары…
Нерюнгригэ оройуоннааҕы киин балыыһа түөрт эбийиэгин быйыл саҥардыахтаахтар. Маннык соругу Ил Дархан Айсен Николаев үлэтинэн…
Нерюнгригэ Ил Дархан Айсен Николаев "Эльгауголь" хампаанньа ааспыт сыллааҕы үлэтин-хамнаһын көрдө-иһиттэ уонна 2025 сылга былааннарын…