«Якутия» АХ Кытайга нэдиэлэҕэ иккитэ көтүөҕэ

«Якутия» АХ Дьокуускайтан Кытай  Харбин куоратыгар диэри аны нэдиэлэҕэ иккитэ рейс оҥоруоҕа.  Бэнидиэнньиккэ уонна чэппиэргэ. Бу туһунан хампаанньа пресс-сулууспата иһитиннэрдэ.

Дьокуускай — Харбин — Дьокуускай  ЯК-501/502 рейс бэнидиэнньик ахсын  балаҕан ыйын  18 күнүттэн алтынньы 23 күнүгэр диэри оҥоһуллуоҕа.
Оттон  иккис  ЯК-501/502  рейс  чэппиэр ахсын атырдьах ыйын 31 күнүттэн алтынньы 26 күнүгэр диэри көтүөҕэ.

Тарыып  23 575  солкуобайтан саҕаланар (валюта кууруһуттан тутулуктаах).  Рейстэр  ВС Sukhoi Superjet 100 сөмөлүөтүнэн оҥоһуллаллар, көтүү бириэмэтэ  – 2 чаас 35 мүнүүтэ.