«Якутия» авиахампаанньа чэпчэтиилээх билиэтинэн көтүү болдьоҕун уһатта

«Якутия» авиахампаанньа Уһук Илин олохтоохторугар бүгүҥҥүттэн сэтинньи 30 күнүгэр диэри чэпчэтиилээх билиэтинэн көтүү болдьоҕун уһатта. 

Маршрут уонна тарыып:

— Дьокуускай – Москва, 10 000 солк.

— Дьокуускай – Новосибирскай, 10 000 солк.

— Новосибирскай – Нерюнгри, 9 000 солк.

«Якутия» авиахампаанньа пресс-сулууспата быһаарбытынан,  чэпчэтиилээх билиэтинэн Уһук Илиҥҥи уокурук эрэгийиэннэригэр пропискалаах киһи туһанар. Икки сааһын туола илик оҕо (миэстэтэ суох) босхо көтөр. Оттон иккититтэн 12-гэр диэри саастаах оҕо 25 %-наах чэпчэтиилээх билиэти туһанар. Ыйытыылардаах буоллаххытына,  8 800 700 2190 диэн нүөмэргэ эрийэн эбэтэр e-mail: info@yakutia.aero киирэн билсиэххитин сөп.