«Якутия» авиахампаанньа чэпчэтиилээх билиэттэри атыыга таһаарда

Бэс ыйын 13 күнүттэн “Якутия” авиахампаанньа чэпчэтиилээх билиэттэри атыыга таһаарда.  Билиэттэр «Дьокуускай – Москва», «Дьокуускай – Иркутскай» туһаайыыларга бааллар диэн СИА суруйар.

Ол курдук, «Дьокуускай – Москва» туһаайыыга билиэт сыаната 7000 солк., «Дьокуускай – Иркутскай» – 2500 солк. Көтөр күннэрэ бэс ыйын 28 күнүттэн ахсынньы 31 күнүгэр диэри.

Чэпчэтиилээх билиэттэри атыылаһыахтарын сөп:

— 22 сааһын ситэ илик ыччат;

— 55 саастарыттан аҕа саастаах дьахталлар;

— 60 саастарыттан аҕа саастаах эр дьон;

— 1-кы группалаах инбэлииттэр арыаллааччыларын кытта;

— 2-с уонна 3-с группалаах инбэлиит оҕолор, кинилэри арыаллааччылар;

— элбэх оҕолоох дьиэ кэргэн чилиэттэрэ;

Чэпчэтиилээх билиэттэри авиакассаҕа ылар быраабы туоһулуур докумуону көрдөрөн туран эрэ атыылаһыахха сөп.