Хаартыска: СӨ Ил Дарханын уонна Бырабыыталыстыбатын пресс-сулууспата
Сыл иһигэр «Якутия» технопаркаҕа өссө 324 саҥа үлэ миэстэтэ тахсыбыт. Бу туһунан СӨ Бырабыытыластыбатын бэрэссэдээтэлин солбуйааччы Анатолий Семенов тэрилтэ сыллааҕы үлэтин-хамнаһын түмүгүн таһаарыыга иһитиннэрдэ диэн СӨ Ил Дарханын уонна Бырабыыталыстыбатын пресс-сулууспата суруйар.
Кини этэринэн, резидент үлэһиттэрин ахсаана 940 диэри элбээбит. Билигин технопаркаҕа 175 хампаанньа үлэлиир, уопсай дохуота 3 млрд 812 мөл. солк. тэҥнэстэ. Төлөммүт түһээн уонна хомуллар үп-харчы кээмэйэ 217 мөл. солк. тиийдэ. Бэйэлэрин бырайыактарын олоххо киллэриигэ хампаанньа инвестицията 445 мөл. солк. тиийдэ. 2024 сылга технопарк 36 саҥа бырайыагы олоххо киллэрдэ. Тэрилтэ өрөспүүбүлүкэ уонна дойду тутаах соруктарын быһаарарга саҥа саҕалааһыннары өйүүр уонна хампаанньалары сайыннарар», — диэн Анатолий Семенов бэлиэтээтэ.
Кини технопарк уопсастыба тирээн турар суолталаах проблемаларын быһаарыыга салгыы үлэлиирин, доруобуйа харыстабыла, үөрэхтээһин, бырамыысыланнас уонна авиация араас эйгэлэригэр инновациялары киллэрэрин бэлиэтээтэ.
«Анал байыаннай дьайыыга технопарк резиденнэрэ байыаннай сулууспалаахтары өйүүр бородууксуйаны оҥоруунан уонна да атын тутаах технологиялары киллэриинэн дьарыктаналлар», — диэн вице-премьер эбэн эттэ. Технопарка үлэтин түмүгүнэн сыл ахсын ыытыллар куонкурус түмүгүн таһаардылар, ону тэҥэ Саха сирин исписэлиистэрин өйүүр уонна биисинэс, технологическай салаа икки ардыларыгар хардарыта бииргэ үлэлээһини сайыннарыыга туһуламмыт «Скидочная карта ИТ-шника» бырайыага көрүлүннэ.
Бу күннэргэ күн-дьыл туруга хайдах эбитий? Дьокуускайдааҕы күнү-дьылы кэтээн көрөр сулууспа туох диирий? Ленскэй, Өлүөхүмэ,…
Саха сириттэн сылдьар хирург уонна анестезиолог-реаниматолог быраастар Докучаевскай куоракка байыаннай дьайыы кыттыылаахтарыгар мэдиссиинэ көмөтүн оҥороллор.…
Мэҥэ Хаҥаласка сокуоннайа суох бултааһын дьыалатын булбуттар. Кыһыл кинигэҕэ киллэриллибит тыһы уонна атыыр мороду кустары…
Ыам ыйын 12 күнэ. Ил Дархан Россия Дьоруойа, өрөспүүбүлүкэ ыччат дьыалаларыгар уонна социальнай коммуникацияларга миниистирин…
Ыам ыйын 16-18 күннэригэр Казахстаҥҥа Алматы куоракка аҕам саастаахтарга «Ardager Alany» тустууга норуоттар икки ардыларынааҕы…
Таатта оройуонун борокуратууратын ирдэбилинэн үлэһиттэр хамнастарыттан сокуоннайа суох харчы тутуллубута төннөрүлүннэ. Бу туһунан СӨ Борокуратууратын…