Ыам ыйын 31 күнүгэр Креативнай нэдиэлэ түмүк тэрээһинигэр “Саха-Восход” инвестиционнай табаарыстыба дуогабарыгар илии баттанна.
Докумуоҥҥа “Якутия” венчурнай хампаанньа генеральнай дириэктэрэ Алексей Комаренко уонна “Восход” пуонда салайар партнера Руслан Саркисов илии баттаатылар.
Холбоһуктаах бырайыак Саха сирин уонна Уһук Илин эрэгийиэннэрин кэскиллээх технологическай хампаанньаларын үбүлүүр туһугар Саха сирин үбүн уонна чааһынай хапытаалын холбуоҕа. Бу итинник хампаанньалар уонна стартаптар оҥорон таһаарар уонна экэниэмикэҕэ көдьүүстэрин биллэ үрдэтиэҕэ.
“Саха сиригэр стартаптар сайдалларыгар өссө биир түһүмэх, билигин кинилэртэн ордук ситиһиилээхтэрэ бэйэлэрин бырайыактарын сайыннарарга уонна кэҥэтэргэ 40 мөлүйүөҥҥэ диэри үбү ылыахтарын сөп. Үбүлээһин Саха сирин уонна Уһук Илин атын эрэгийиэннэрин кэскиллээх технологическай хампаанньаларын сайдыытыгар бэриллиэҕэ”, — диэн “Венчурная компания “Якутия” АУо генеральнай дириэктэрэ Алексей Комаренко иһитиннэрдэ.
«Биһиги “Якутия” венчурнай хампаанньаны кытары бииргэ үлэлэһэртэн үөрэбит. Саха сиригэр технологическай предпринимательство уонна креативнай экэниэмикэ сайдыыта үгүс сылларга эрэгийиэн улахан стратегиятын сорҕотунан буолар. Бу хайысхаҕа тиһиктээх үлэ ыытыллар, эдэр дьону көҕүлүүр уонна инновацияҕа санааларын олоххо киллэрэр кыаҕы биэрэр инфраструктура оҥоһуллар. Ол үлэ түмүгүнэн, элбэх кэскиллээх хамаандалар ахсааннара элбээтэ, чуолаан ИТ, ИИ, мэдиссиинэ технологиятын, геймдев хайысхаларыгар”, — диэтэ Руслан Саркисов.
Муус устарга Ил Дархан илии баттаабыт “Креативнай экэниэмикэ сайдыытын туһунан” Ыйаах быһыытынан, 2030 сылга өрөспүүбүлүкэ айар индустрияларыгар дьарыктаах дьон ахсаана 70 тыһыынчаҕа тиийиэхтээх.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…