Муус устар 15 күнүттэн саҕаламмыт Саха сирин ситэриилээх былааһын уонна оройуоннарын уорганнарын үлэһиттэригэр «Якутия, вперед!» куонкурус каадырга сүүмэрдээһинэ түмүктэннэ.
Бүгүн министиэристибэлэр, биэдэмистибэлэр уонна биэдэмистибэлэр таһынан тэрилтэлэр, ону кытта оройуон бэрэстэбиитэллэрин үлэһиттэрин ахсааныттан куонкурус бастакы 30 финалиһа быһаарылыннылар.
Куонкурус кыттыылаахтарыгар сүүмэрдээһиҥҥэ араас тургутуулар, тестирование, эссе суруйуута ыытылыннылар. Кыайыылаахтар быйыл алтынньыга буолар финалга путевканы ылыахтара.
Бу күннэргэ Бүлүү улууһугар куонкурус муниципальнай түһүмэҕэ буолбута. Балаһыанньа быһыытынан, 55-гэр диэри саастаах үрдүк үөрэхтээх улуус олохтоохторо кытыннылар. Кыайыылааҕынан Марианна Спиридонова таҕыста. Куонкурус кыттыылааҕа «Сбербанк» ААУо Саха сиринээҕи отделениетын салайааччытынан үлэлиир. Бу сүүмэрдээһиҥҥэ кини кыайыыны ситиһэргэ кыттааччылар дьаныардаах үлэнэн лидер хаачыстыбатын уонна хамаандаҕа үлэлиир дьоҕурдарын көрдөрүөхтээхтэрин бэлиэтээтэ.
«Тэрийээччилэр профессионализм уонна өйөбүл эйгэтин тэрийдилэр, онно хас биирдии кыттааччылар саамай үчүгэй хаачыстыбаларын көрдөрдүлэр. Финалтан Бүтүн Саха сирин талааннаах дьонун кытта бииргэ үлэлээһиҥҥэ саҥа ситиһиилэри, саҥа билсиилэри уонна бииргэ үлэлээһини күүтэбин», — диэн куонкурус финалиһа Марианна Спиридонова иһитиннэрдэ.
«Якутия, вперед!» куонкурус кыттааччынан финалга тахсары ситиһэргэ бу сыл атырдьах ыйын 1 күнүгэр Якутиявперед.рф. саайка буолар аһаҕас куонкурус түмүгүнэн ситиһиллиэн сөп.
Манна тестирование ааһар наадалаах уонна видеоҕа бэйэни билиһиннэрии бэлэмнэниэхтээх. Алтынньы 10-12 күннэригэр ыытыллыахтаах бүтэһик түһүмэххэ барыта 104 киһи кыттара күүтүллэр
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…
Өрөспүүбүлүкэ Ил Дархана умайа турар ойуур баһаарын иэнэ быһа холуйан 350 тыһ га диэн “Россия24”…
Өлүөнэ өрүс күнүгэр "Водоканал" хампаанньа үлэһиттэрэ өрүс кытылын хомуйдулар. Маннык аахсыйаны кинилэр сыл аайы ыыталлар.…