пресс-сулууспа
Саха сирин ситэриилээх уорганнарыгар стажировканы барар “Якутия – Земля героев” бырагыраама кыттыылааҕа Валерий Петров сарсын, от ыйын 8 күнүгэр, оҕолор, тулаайах оҕолор уонна төрөппүт көрүүтэ суох хаалбыт оҕолор бырааптарын көмүскээһин боппуруоһугар босхо юридическай көмөнү оҥорууга кыттыаҕа, диэн өрөспүүбүлүкэ Юстицияҕа судаарыстыбаннай кэмитиэтэ иһитиннэрдэ.
Юристар уонна Валерий Петров социальнай босуобуйалары ылыы бэрээдэгин, ийэ уонна дьиэ кэргэн хапытаалын туһаныыны, оҕолорго уһуйааннарга, оскуолаларга, лааҕырдарга миэстэни биэрии, дьиэ-уот, нэһилиэстибэ боппуруостарын быһаарыахтара.
Босхо юридическай көмөнү 2025 сыл от ыйын 8 күнүгэр маннык аадырыска оҥоруохтара: Дьокуускай к., Ленин проспега, 40 дьиэ, 9:00-тан 14:00 диэри.
Бу күннэргэ тустаах бырагыраама кыттыылаахтара стажировкаланаллар, онно кинилэр судаарыстыбаннай уонна муниципальнай салайыы үөрүйэхтэригэр үөрэнэллэр. Валерий Петров Юстиция госкэмитиэтигэр быраактыканы ааһар. Бырагыраама куратора Наталья Кашперская иһитиннэрбитинэн, хас биирдиитэ алталыы нэдиэлэлээх үс стажировка торумнаммыт.
Санаттахха, “Якутия – Земля героев” бырагыраама өрөспүүбүлүкэ Ил Дарханын Айсен Николаев өйөбүлүнэн байыаннай дьайыы кыттыылаахтарыттан салайааччылар саппаастарын тэрийиигэ туһуламмыт. Бу Бүтүн Арассыыйатааҕы каадырга көҕүлээһин дойду бэрэсидьиэнин Владимир Путин сорудаҕынан олоххо киирэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатыен пресс-сулууспата
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…