Хаартыска: ЯСИА
«Якутия — земля героев» эрэгийиэннээҕи бырагыраама куратора Наталья Кашперская бэлиэтииринэн, бырагыраама кыттыылаахтара судаарыстыбаннай былаас уорганнарын баазатыгар стажировканы ааһыахтара.
«Стажировка үөрэтэр буолбакка, оҥорон таһаарар хайысхалаах буолуоҕа. Ол курдук алта нэдиэлэ устата стажировкаланы ааһыахтара» , — диэтэ Наталья Кашперская.
Бырагыраамаҕа бүгүҥҥү күҥҥэ 552 сайаапка киирбит. Байыаннай дьайыы кыттыылаахтарыттан сайаапканы тутуу кулун тутар 21 күнүгэр түмүктэнэр. Сүүмэрдээһиҥҥэ хайаан да орто анал эбэтэр үрдүк үөрэхтээх, дьону салайыан сөптөөх хаачыстыбалаах байыаннай дьайыы кыттыылаахтарын ылаллар. Манна сааһынан хааччах суох. Бырагыраамаҕа кыттарга якутияземлягероев.рф сайтка киирэн үөрэнии туһунан анкыатаны толороллор. Салгыы онлайн кэпсэтии уонна тестирование ааһаллар. Кыттааччылары регистрациялааһын «Россия — страна возможностей» платформаҕа буолар.
Үөрэх инновационнай менеджмент үрдүкү оскуолатын иһинэн ыытыллыаҕа. Бэс ыйын саҥата номнуо 25 бастакы истээччи талыллыбыт буолуохтаах, кинилэр очнай үөрэх бырагырааматынан үөрэниэхтэрэ. Өссө 25 киһини, билигин байыаннай дьайыыга сулууспалыы сылдьар дьонтон талыахтара. Кинилэр бырагыраамаҕа саппаас быһыытынан талыллыахтара. Дойдуларыгар кэлэн баран үөрэххэ киириэхтэрэ. Үөрэххэ профессиональнай бэлэмнэниини ааспыттарын туһунан диплому ылыахтара уонна СӨ биир кэлим каадырын саппааһыгар киириэхтэрэ.
Үөрэнэр кэмнэригэр кууруһу истээччилэр судаарыстыбаннай бэлиитикэ, аныгы салайар технология, экэниэмикэ, үп туһунан үөрэтиэхтэрэ. Бырагыраама лектордарынан уонна эспиэрдэринэн өрөспүүбүлүкэ салалтатын уопуттаах спикердэрэ буолуохтара.
Бырагыраама сүрүн хайысхатынан хас биирдии үөрэнээччи салайар киһилээх буолар (настаабынньык). Кинилэр сүбэ-ама биэрэн, инники үлэтин торумнууругар көмө буолаллар.
Бэлиэтээн суруйдахха, «ЯКУТИЯ- ЗЕМЛЯ ГЕРОЕВ» каадыр бырагыраамата «Время героев» диэн РФ бэрэсидьиэнэ Владимир Путин көҕүлээбит федеральнай бырайыак чэрчитинэн ыытыллар.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…