«ЯКУТИЯ — ЗЕМЛЯ ГЕРОЕВ» бырагыраамаҕа 360 сайаапка киирдэ

«ЯКУТИЯ — ЗЕМЛЯ ГЕРОЕВ» каадырдары бэлэмниир бырагыраамаҕа байыаннай дьайыы кыттыылаахтарыттан уопсайа 360 сайаапка киирбит.

Бырагыраамаҕа сайаапкалары ылыы олунньу 21 күнүттэн саҕаламмыта.

Манна кыттыан баҕалаахтар бу сигэнэн http://якутияземлягероев.рф   киириэхтэрин сөп. Итиэннэ үөрэнэргэ сайаапкаларын биэрэллэр, анкета толороллор, манна тоҕо кытталларын суруйаллар. Салгыы сүүмэрдиир тэрээһиннэргэ кыттыыны ылаллар. Онно кылгас тиэстэри толоруулар бааллар уонна көрсөн олорон (очнай), онлайн бэсиэдэлэр ыытыллаллар. Кыттааччылар «Россия – страна возможностей» регистрацияланаллар.

Бэс ыйын саҥатыгар бастакы истээччилэртэн номнуо 25 киһи талыллыахтаах. Кинилэр үөрэх күнүскү (очнай) бырагырааматыгар киирэллэр.

Өссө 25 киһи, билигин байыаннай дьайыы буола турар сиригэр баар дьонтон, бырагыраама резервэтигэр киирэллэр. Кинилэр дойдуларыгар кэлэн баран үөрэниэхтэрин сөп.

Бастакы сүүмэрдээһини ааспатахтар видеокуурустарга үөрэниэхтэрин уонна аныгыскы сырыыга сайаапкаланыахтарын сөп.

Санатан эттэххэ,  «ЯКУТИЯ – ЗЕМЛЯ ГЕРОЕВ» каадырдары бэлэмниир бырагыраама, РФ Бэрэсидьиэнэ В.Путин көҕүлээбит «Время Героев» федеральнай бырайыакка майгынныыр.

Сиһилии https://www.sakha.gov.ru/news/front/view/id/3485992  киирэн көрүөххэ сөп.

СӨ Ил Дарханын уонна Бырабыыталыстыбатын пресс-сулууспата