«Якутия — Земля героев» бырагыраамаҕа хайдах үөрэтэллэрий?

«Якутия — Земля героев» эрэгийиэннээҕи бырагыраама куратора Наталья Кашперская кыттааччылары үөрэтии хайдах барарын туһунан кэпсээтэ.

— Кыттааччылар ситэриилээх былаас уорганнарыгар, муниципальнай тэриллиилэргэ, тустаах тэрилтэлэргэ баран, стажировкаланыахтара. Бу стажировка аҥаардас  үөрэх эрэ буолбатах, уһун болдьохтоох буолар, быһаччы үлэһит курдук сылдьаллар. Алта нэдиэлэ устата настаабынньык көрүүтүнэн-истиитинэн стажировканы ааһаллар, — диэн Наталья Кашперская кэпсээтэ.

«Якутия – Земля героев» – бу анал байыаннай дьайыы кыттыылаахтарыгар анаммыт, кинилэр уопуттарыгар уонна эр санааларыгар тирэҕирэн, салайааччы буолалларыгар көмөлөһөр бырайыак.