«Якутия — Земля героев» өрөспүүбүлүкэ салайар саппааһын хаҥатыаҕа

«Якутия — Земля героев»  диэн каадыры үүннэрэр бырагыраама салайар саппааһы хаҥатарга үлэтин күүһүрдүөҕэ. Маннык тус санааны өрөспүүбүлүкэ норуодунай дьокутаата, ЯРОКБ кылаабынай бырааһы Иван Луцкан иһитиннэрдэ.

«Бырагыраама кыттыылаахтарын тус билэбин. Кинилэр бэйэлэрин холобурдарын көрдөрбүттэрэ, бырагыраама олоххо киириитигэр көхтөөхтүк үлэлэспиттэрэ уонна дойдуну көмүскээн байыаннай дьайыыга кыттыбыттара», — диэтэ кини.

Бырагыраама үлэтин саҕалыыры Ил Дархан Айсен Николаев көҕүлээбитэ. Бу бырагыраама «Время героев» диэн дойду Бэрэсидьиэнэ Владимир Путин көҕүлээбит бырагырааманан салҕаммыта. Бырагыраама сүрүн соруга — байыаннай дьайыы кыттыылаахтарын өйөөһүн, уопуттарын, лидерскай хаачыстыбаларын  өрөспүүбүлүкэҕэ туһаныы буолар.

Бастакы 25 бырагыраама кыттыылааҕа очнай үөрэххэ анаммыттара. Онтон 25 киһи бырагыраамаҕа саппаас быһыытынан киириэхтэрэ.

Үөрэх түмүгүнэн идэ ылыы туһунан диплом ылыахтара уонна каадырга саппаас быһыытынан уочаракка туруохтара. Онон бырагыраама кытыылаахтара салайар үлэҕэ үүнэллэригэр, суолталаах бырайыактарга кыттарга бэлэм буолуохтара.