«ЯКУТИЯ — ЗЕМЛЯ ГЕРОЕВ» каадыр бырагырааматыгар

Байыаннай дьайыы кыттыылааҕа, ИT-предприниматель Николай Потапов «Саха сирэ — дьоруойдар дойдулара» бырагыраамаҕа сайаапка биэрэн биир бастакынан кыттыбыта бэлиэтэнэр.

Бырагырааманы саҕалыыры Ил Дархан Айсен Николаев олунньу 21 күнүгэр биллэрбитэ. Манна хамаанданан үлэҕэ үөрэтэллэр, киһи тус бэйэтэ сайдар.

—-Мин ИТ-хампаанньалар ситимнэрин оҥорон барбытым уонна көхтөөхтүк ылсан дьарыктанабын. Ол гынан баран, билиим өссө да ситэтэ суох. Дьиҥэр, олус интэриэһинэй. Мин үөрэниэхпин, үлэлиэхпин баҕарабын уонна манна хампаанньата да олус үчүгэй, интэриэһинэй, — диэн байыаннай быраас санаатын үллэстэр.

РФ Бэрэсидьиэнэ В.Путин дьаһалтатын быһаарыытынан, сүүмэрдээһин усулуобуйата бары эрэгийиэннэргэ биир буолуохтаах. Онон Саха сиригэр бастакы сүүмэрдээһини судаарыстыбаннай сулууспа норуот хаһаайыстыбатын Арассыыйатааҕы академията ыытар.

Сиһилии: http://якутияземлягероев.рф  көрүөххэ сөп.