«Якутия — земля героев» каадыр бырагырааматыгар атын эрэгийиэн байыастарыттан сайаапкалар киирдилэр

«Якутия — земля героев» каадыр бырагырааматыгар кыттааччылартан 525 сайаапка киирбит, ол иһигэр атын эрэгийиэннэртэн. Бу туһунан Ил Дархан Айсен Николаев «Быһа кэпсэтии» биэрии кэмигэр иһитиннэрдэ.

«Бырагыраама улахан интэриэһи тарта. Сайаапкалар Саха сирин бары оройуоннарыттан кэриэтэ киирдилэр. Ону сэргэ дойду атын эрэгийиэннэриттэн эмиэ бааллар. Бу бырагырааманан байыастар инникилэрин саныыллар, сайдыахтарын, эбии билиини ылыахтарын, үлэлиэхтэрин баҕаралларын туһунан этэр. Биһиги бу бырагыраамаҕа каадырдары бэлэмнээһиҥҥэ улахан дьаныардаах үлэни ыытабыт», — диэн бэлиэтээтэ Айсен Николаев.

Сайаапкалар ортолоругар 14-с воздушно-десантнай биригээдэ сулууспалааҕа Василий Галуза баар. Кини эмиэ судаарыстыбаннай салайыыга уопутун туһанарын былааннанар. Кини профессиональнай уонна байыаннай үөрүйэҕэ төрөөбүт дойдутугар туһалаах буолуоҕа диэн эрэнэр. Гражданскай эйгэҕэ урукку үлэтин уопута Василий көмөлүө дии саныыр.