Быйыл сайын айылҕа уустук усулуобуйатынан (уһун ардахтар, аһыҥа, кураан) кэккэ улуустар тэрээһиннээх уонна кэтэх хаһаайыстыбалара оттооһуҥҥа күчүмэҕэйдэри көрүстүлэр. Онон хороҕор муостааҕы, сыспай сиэллээҕи энчирэппэккэ сыл таһаарар соругу Саха Өрөспүүбүлүкэтин Ил Дархана Айсен Николаев туруорбута. “Якутоптторг” тэрилтэ сүөһүгэ концентрированнай аһылыгы тиэйиигэ сүрүн операторынан анаммыта.
“Якутоптторг” АУо-тан бу сорудаҕын хайдах толорон иһэрин туһунан ыйытыыга маннык хоруйу туттубут:
— Өрөспүүбүлүкэ Ил Дарханын сорудаҕын толорон, Саха сирин Тыатын хаһаайыстыбатын министиэристибэтэ концентрированнай сүөһү аһылыгын, гранулированнай оту атыылаһан, тиэйиини тэрийэр. Тыа хаһаайыстыбатын сүөһүтүн-аһын аһылыгын батарыыга сыананы аччатар туһуттан “Якутоптторг” АУо-ҕа уотурбаны, эбиэһи уонна гранулированнай оту тыа хаһаайыстыбатын табаары оҥорооччуларыгар тиэрдэригэр сорудахтаммыта. Ол курдук, Бүлүү, Горнай, Кэбээйи уонна Өлүөхүмэ оройуоннарыгар бэрт кылгас болдьоххо, уопсайа 15 күн иһинэн, 711 туонна сүөһү аһылыга атыылаһыллан, оройуон кииннэригэр диэри тиэрдилиннэ. Массыынанан Горнай оройуонугар — 95 т, Кэбээйи оройуонугар – 304 т, Бүлүү оройуонугар – 172 т тиэйдибит. Ону тэҥэ Өлүөхүмэ оройуонугар “Владимир Худорожко” буксирынан 140 т илтэрдибит.
Аҕыс оройуоҥҥа анаан 5167 туонна сүөһү аһылыга субсидияламмыта: Дьааҥы, Бүлүү, Горнай, Кэбээйи, Өлүөхүмэ, Өлөөн, Чурапчы, Эбээн Бытантай. Сэтинньи ыйга “Якутоптторг” АУо Чурапчы улууһун тыа хаһаайыстыбатынан дьарыктанар хаһаайыстыбаларыгар субсидияламмыт сүөһү аһылыгын илдьэргэ былаанныыр. Онтон атын үөһээ ааттаммыт улуустарга кыһыҥҥы массыына суола турдаҕына тиэйиэхпит.
Хаартыска: “Якутоптторг” тэрилтэ ыытта.
Бу сыл от ыйын 1 күнүттэн элбэх оҕолоохтор уонна биэнсийэлээх дьон олох-дьаһах хомунаалынай хаһаайыстыба өҥөтүн…
Мииринэй Удачнай куоратыгар уонна Айхал бөһүөлэгэр "Мин биисинэһим" киин исписэлииһэ Наталья Константинова урбаанньыттарга анаан уонна…
Куруук үөрэ-көтө, мичээрдии сылдьыбыт оҕо сааспыт доҕоро, үөрэппит оҕом Ньургустаан Корнилов бүгүн, ыам ыйын 3…
Ыам ыйын 3 күнэ үүнэр түүнүгэр, бөөлүүн, Сунтаарга дьүкээбил уота суһумнуу умайда. Бу дьикти кэрэ…
Ыам ыйын 2-3 күннэригэр Дьокуускай куоракка оптуобустар сырыыларын көрдөрөр "Умный транспорт" сыһыарыы үлэтэ сороҕор хааччахтана…
Бүгүн, ыам ыйын, 3 күнүгэр СӨ үөрэх уонна наука миниистирэ Нюргуна Соколова FM 107,1 «Тэтим» Саха…