“Якутпромсервис” хаары ыраастааһыны саҕалаата

Дьокуускай куоракка кулун тутар ыйтан бары уокуруктарга хаары түһэрии уонна ыраастааһын сыыйа саҕаланна. Онон салайар хампаанньалар бэйэлэрэ көрөр-истэр элбэх кыбартыыралаах  дьиэлэрин таһынааҕы былаһааккалары хаартан ыраастыыллар.

Онно улахан тиэхиньикэлэри туһаналлар. Хаар түһэриллэр сирдэригэр кыһыл дьүһүннээх лиэнтэлэри баайаллар. “Саха сирэ” хаһыакка “Биэтэс Билээхэп кэпсээнигэр” суруллубутун курдук, хаары түһэрии, ыраастааһын үлэтэ сүрдээх эппиэтинэһи, сэрэҕи ирдиир үлэ. Ол да буоллар, дьиэлэр тастарыгар тоҥоруллан турар уонна быстах кэмҥэ турар массыыналар тиэхиньикэ үлэтин мэһэйдииллэр.

Аппа уҥуор “Якутпромсервис” салайар хампаанньа эмиэ маннык үлэлэри ыытан эрэр.

Хаартыска: ааптар