Хаартыска: СИА
Дьокуускай куорат төрүттэммитэ 392 сылыгар аналлаах «Якутск вдохновляет» хаартысканан куонкуруска сайаапкалары ылыы салгыы ыытыллар.
Куонкурус тэрийээччилэринэн Дьокуускай куорат дьаһалтата уонна «Саха» НКИХ хампаанньа буолаллар. Хаартыскана күрэс Дьокуускай куорат историятын, култуурунай нэһилиэстибэтин киэҥ араҥаҕа тарҕатыыга, уопсастыбаннай-култуурунай олоҕун көрдөрөр сыаллаах ыытыллар.
14 саастарыттан үөһэ саастаах кыттааччылар биэс номинацияҕа киирсиэхтэрин сөп. Хас биирдии номинацияҕа биир эрэ үлэ ыытыллыахтаах:
— «Историческай Дьокуускай» — куорат историческай хаартыскалара — 19-20 үйэтинээҕи архыып хаартыскалара;
— «Куорат олоҕо» — маассабай тэрээһиннэр, куорат олоҕун-дьаһаҕын көрдөрөр хаартыскалар;
— «Куорат дьоно» — Дьокуускай олохтоохторун бөлөҕүнэн эбэтэр биирдиилээн хаартыскалара (мэтириэттэр) ;
— «Куорат көстүүлэрэ (пейзаж)» — ытык сирдэр (архитектура пааматынньыктара), дьон сөбүлээн сылдьар миэстэлэрэ;
— «Творческай фотосерия» — «Мин Дьокуускайым» уопсай тиэмэҕэ 5-10 хаартыска.
Бастыҥ үлэлэр Дьокуускай уокуруктааҕы дьаһалтатын саайтыгар yakutskcity.ru тахсыаҕа. Маны таһынан бастыҥ үлэлэр ааптардарын дипломнарынан уонна сыаналаах бириистэринэн наҕараадаланыахтара. Тэрийээччилэр үлэлэри балаҕан ыйын 5 күнүгэр диэри konkurs.nvk@mail.ru. электроннай почтаҕа күүтэллэр.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…