Хаартыска: Виктория Сергеева, СИА.
Түөкүттэр Саха сирин олохтоохторун үбүн бэйэлэригэр иҥэриниэхтэрин баҕараллара тохтообот. Якутскэнергосбыт үлэһиттэрэбит диэн кубулунан, уот прибордарын туруорабыт диэн дьоҥҥо төлөпүөннүүллэрэ тохтообот. Маныаха түөкүттэр саҥа албаһы булбуттар – СМС уонна Судаарыстыбаннай өҥөҕө кэлбит нүөмэрдэри этиҥ диэбэккэ, дьон сайаапканы ыытарыгар, төлөбүртэн кешбэк ыларыгар төлөпүөн сыһыарыытын хачайдыылларыгар сүбэлииллэр эбэтэр ыйынньык файлы ыыталлар.
Бу түөкүттэр ыыппыт файллара атын дьон кинилэр төлөпүөннэригэр киирэллэригэр көҥүлү биэрэр вирустаах. Сыһыарыыны хачайдаабыттарын, файлга баар ыйыллыбыт сигэни баттаан киирбиттэрин кэнниттэн төлөпүөн үлэлээбэт буолан хаалар. Ол кэмҥэ түөкүттэр дьон счетуттан харчыларын устан ылаллар.
Онон Якутскэнергосбыт сэрэтэр:
— хампаанньа үлэһиттэрэ хаһан даҕаны социальнай ситиминэн, тг сибээстэспэттэр, төлөпүөннээбэттэр. Өскөтүн төлөпүөннээччи уот хампаанньатын үлэһитэбин диир буоллаҕына, тута төлөпүөҥҥүтүн араарыҥ.
— туох даҕаны ыйынньыгы тарҕаппаттар, сигэни ыыппаттар уонна ханнык даҕаны сыһыарыыны хачайдааҥ диэн сүбэлээбэттэр.
— ДЭК мобильнай соҕотох сыһыарыытынан «ДЭК Якутскэнергосбыт» туһанааччы тус кэбиниэтин мобильнай версията буолар. Ону Google Play уонна App Store хачайдыахха сөп.
Саха сирин олохтоохторун сэрэхтээх буоларгытыгар ыҥырабыт, түөкүттэргэ киирэн биэримэҥ. Бу туһунан Якутскэнергосбыт пресс-сулууспата иһитиннэрэр.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…