«Якутия – земля героев» бырагыраама сүүмэрдиир түһүмэҕэр сайаапканы хомуйуу саҕаланна

Саха сиригэр «Якутия – земля героев» каадыр бырагырааматын сүүмэрдиир түһүмэҕэр сайаапкалары хомуйуу саҕаланна.

«Якутия – земля героев» бырагыраама сүрүн сыала-соруга — анал байыаннай дьайыы кыттыылаахтарыгар уонна бэтэрээннэригэр идэни үрдэтэр усулуобуйаны тэрийии уонна СӨ салалтатыгар киллэрии буолар.

– Бу биһиги дойдубут интэриэһин көмүскүүр байыастарбытыгар саҥа усулуобуйаҕа бэйэлэрин көрдөрөллөрүгэр ураты кыах бэриллэр. Кинилэр өрөспүүбүлүкэ уонна дойду сайдыытыгар бэйэлэрин кылааттарын киллэриэхтэрэ. Кинилэр көмүскээбит саҥа кэскилин түстүүргэ салайар хамаанда састаабыгар киириэхтэрэ, — диэтэ ВШИМ ректора Виталий Миронов.

Кыттааччыларга ирдэбиллэрэ:

• — Российскай Федерация гражданнара;
• — Анал байыаннай дьайыы кыттыылааҕа;
• — Орто профессиональнай эбэтэр үрдүк үөрэх;
• — Дьону салайар уопута.

Сайаапканы ылыы кулун тутар 21 күнүгэр диэри ыытыллар. Сиһилии якутияземлягероев.рф саайтка билсиэххэ сөп.

Санаттахха, “Якутия – Земля героев” сүрүн бырагыраамата РФ Бэрэсидьиэнэ Владимир Путин көҕүлээбит “Время героев” федеральнай бырайыакка майгынныыр.