Ыал аанын хобордооҕунан дарбыйбыт

Ыаллыы олорор ыал тыл-тылларыгар киирсибэккэ кыыһырсан турбуттар. Кыыһырсыы кэнниттэн уорбаланааччы сэбиэскэй тимир хобордооҕунан ыалын дьиэтин аанын дарбыйбыт. Эмсэҕэлээбит өрүт полиция үлэһиттэригэр үҥсүү түһэрбит.

Суһал көрдөөһүн түмүгүнэн, ИДьМ 1 №-дээх полиция салаатын холуобунай ирдэбилин үлэһиттэрэ 63 саастаах уорбаланааччыны туппуттар. Арассыыйа Федерациятын холуобунай кодексатын 167 ыст. 1 ч. «Киһи бас билиитин соруйан алдьатыы, эмсэҕэлэтии» диэнинэн холуобунай дьыала тэриллибит.