Хаартыска: Андрей Сорокин, ЯСИА
Арассыыйа ИДьМ Мэҥэ Хаҥалас оройуонунааҕы полиция отделын дьуһуурунай чааһыгар олохтоох дьахтартан кыбартыыратыгар киирэр аанын алдьаппыттарын туһунан иһитиннэрии киирбит. 43 тыһыынчаттан тахса солк. материальнай хоромньу оҥоһуллубут диэн ИДьМ пресс-сулууспата иһитиннэрэр.
Бэрэбиэркэ түмүгэр учаастактааҕы полиция үлэһиттэрэ 51 саастаах ыаллыы олорор киһитэ буоларын быһааран, холуобунай дьыалаҕа тартылар. Бу киһи урут эмиэ маныаха майгынныыр буруйунан сууттаммыт – кини атын ыал күрүөтүн сүгэнэн алдьаппыт эбит.
Барыллаан быһаарыынан, буруйдаах киһи дьахтар дьиэтигэр кэлэн тэҥҥэ арыгылыырга эппит, ол эрээри дьахтар аккаастаан дьиэтигэр киллэрбэтэх. Онуоха эр киһи дьиэтигэр баран сүгэтин аҕалан ыалын тимир аанын охсуолаабыт, ол кэнниттэн куоппут.
Арассыыйа Федерациятын Холуобунай кодексатын 167 ыстатыйатын 1 чааһынан («Сорунан туран атын киһи баайын-дуолун суох оҥоруу эбэтэр алдьатыы») холуобунай дьыала тэриллибит.
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…
Саха ыалын сиэрэ-туома. Итэҕэл быһыытынан, дьиэ Айыы аартыга аһыллар сиринэн, илин диэкинэн, ааннанар. Дьиэ тутуутун сүрүн…