Ыал кыбартыыратыгар киирэн уорбут

ИДьМ 3 №-дээх полиция салаатыгар Дьокуускай олохтооҕуттан үҥсүү киирбит.

Бу туһунан ИДьМ пресс-сулууспата иһитиннэрэр. Холуобунай ирдэбил үлэһиттэрэ суһал үлэлэрин түмүктэринэн 55 саастаах уорбаланааччы тутуллубут. Онно биллибитинэн, эр киһи билбэт кыбартыыратыгар күлүүһү алдьатан киирбит уонна кыһыл көмүс сыапачыканы, халбаһыны уорбут. Хоромньу уопсай суумата 6 тыһ.солк.тэҥнэспит. Уорбаланааччыны туппуттар.

Арассыыйа Федерациятын холуобунай кодексатын 158 ыст. 3 ч.»Уоруу» диэнинэн холуобунай дьыала тэриллибит.