Ыалдьыт дьахтарын өлөрбүт

СӨ Силиэстийэлиир кэмитиэтин пресс-сулууспата иһитиннэрбитинэн, Уус Алдан улууһун  олохтооҕо, 39 саастаах дьахтар 46 саастаах дьүөгэтин кытта дьиэтигэр арыгы испиттэр.

Ол олорон кыыһырсан турбуттар, 39 саастаах хаһаайка кыыһыран ыалдьытын үстэ быһаҕынан анньыбыт. Ыалдьыт дьахтар сотору кэминэн өлбүт. Арассыыйа Федерациятын холуобунай кодексатын 111 ыст. 4 ч. киһи доруобуйатын соруйан эмсэҕэлэтии уонна өлүүгэ тиэрдии иһин холуобунай дьыала тэриллибит.