Ыалдьыт санаата: «Олоҥхо ыһыаҕын аһыллыыта оһуобай!»

Бүгүн сарсыарда Олоҥхо ыһыаҕын аһыллыыта өрө көтөҕүллүүлээхтик буолан ааста.

Агафья Васильевна Габышева Дьокуускайтан кэлэ сылдьар. 1976 сыллаахха бүтэрбит выпустар сүүрбэччэ буолан анаан-минээн, оҥостон кэлбиттэр. Дьиэ куортамнаабыттар, оҕо, эдэр саастарын ахтан, бэркэ ыһыахтыы сылдьаллар.
— Оо, ыһыах аһыллыыта оһуобай! Дьон сүрдээҕин өрө көтөҕүллэн көрдө. Тэрээһиннээхтик көрүстүлэр, аһаттылар. Барыта наһаа үчүгэй! — диэн санаатын үллэһиннэ.
Бу курдук ыһыах ыалдьыттара киэргэнэн-симэнэн кэлэн, Муона Чараҥар аатынан ыһыахтыы сылдьаллар.