Ыалдьыты көрсүүгэ үгэс тутуһуллуута

Ыалдьыты былыр үөрэ-көтө айдааран көрсүбэттэр этэ.

Хайдах киһи дьиэҕэ киирбитин дьиэлээх тойон ороҥҥо сытан тута билэрэ.

Киирбит ыалдьыт оһоххо тиийэн, ытыһынан оһох сылааһын билэр. Оһох уотун сылааһа күүстээх буоллаҕына ытыһыгар саайар. Оччоҕо ыалдьыт «бу дьиэҕэ үчүгэй ыал олорор» диэн билгэлиирэ. Онтон үгэс быһыытынан ыйытар: «Дьиэлээхтэр, сонуҥҥут?», онуоха кэтэҕириин ороҥҥо кэтэх тардыстан сытар дьиэлээх тойон эппиэттиир: «Ээ, миэхэ туох сонун кэлиэй?».

Хаһаайын ыалдьыт атаҕын хайдах тэбэнэрин,туттарын-хаптарын көрөн, куолаһын истэн хайдах ыалдьыт кэлбитин тута билэрэ. Иччилээх, кырыыс тыллаах киһи кэлбит буоллаҕына, куолаһыттан, саҥарар майгытыттан тута өйдөөн, сэрэнэн кэпсэтэр. Бу кэннэ уостара оһүллэн, кэпсэтэн, уһун түүнү билбэккэ аһараллара.

А.С.Федоров «Саха ыалын сиэрэ-туома» кинигэтиттэн

(«Айар», 2024 с.)