Ыаллыы олорор кыбартыыраны ууга ыыппыт дьахтар сууттанна

«Сберстрахование» страховой хампаанньа страховкалаах дьиэни уу ылбытыгар буруйдаах кыбартыыра бас билээччитигэр суукка үҥсүү түһэрбит. Быһылаан былырыын балаҕан ыйыгар Бүлүү куоракка Мир уулуссаҕа баар биир кыбартыыраҕа тахсыбыт.

Үөһээ этээскэ олорор бас билэччиилэр кыбартыыраларыгар ис инженернэй ситимнэригэр саахал тахсан, уу тоҕо барбыт. Ол түмүгэр аллараа этээс кыбартыыратыгар гипсокартон ууллубут, обойдара арахсыбыт, муостаҕа ламинат көтүллүбүт. Материальнай хоромньу 50 217 солк. 66 харчы тэҥнэспит.

Уу ылбыт кыбартыыра бас билээччи дьахтар дьиэтин эрдэттэн страховкалаппыт уонна төлөбүрү ылбыт. Суут быһаарбытынан, оҥоһуллубут хоромньу иһин эппиэтинэһи уу  барбытыгар буруйдаах кыбартыыра бас билээччилэрэ сүгэллэр. Страховкалааччы хоромньуну толуйбутун быһыытынан, суут буруйдаахтартан суброгация быраабылынан 50 217 солк. 66 харчыны уонна суут ороскуотун ирдээбит. Бүлүү оройуонун суута  хоромньу сууматын толору ирдээтэ. Быһаарыы сокуоннай күүһүгэр киирэ илик, диэн  СӨ Сууттарын холбоһуктаах пресс-сулууспата иһитиннэрэр.