Ыалын харчытын уорбут

ИДьМ Намнааҕы отделын дьуһуурунай чааһыгар олохтоох киһи счетуттан 10 тыһ. солк. кэриҥэ харчытын устан ылбытарын туһунан иһитиннэрбит.

Холуобунай ирдэбил үлэһиттэрэ ыыппыт суһал-ирдиир үлэлэрин түмүгүнэн, эмсэҕэлээччи ыала — 35 саастаах киһи буолара быһаарыллыбыт.

Ол курдук, эр дьоннор бииргэ арыгы испиттэр. Арыгы атыылаһарга эмсэҕэлээччи баан каартатын ПИН-кодун этэн туран, бу ыала киһиэхэ биэрбит. Ол гынан баран, бу киһитэ маҕаһыыҥҥа сылдьан баран төттөрү кэлбэтэх. Атын киһи каартатынан уонча тыһ.солк. суумаҕа арыгы, ас-үөл атыыласпыт.

РФ ХК 158 ыст. 3 ч. «г» п. («Уоруу») холуобунай дьыала тэриллибит.

СӨ ИДьМ пресс-сулууспата